^*27projekt/o ^JED

1.

Propono prezentata al instanco aŭ al la publiko kiel plano por efektivigi ideon; priskribo de tia propono: projekto de leĝo; ĉe la Bulonja Kongreso, estis prezentita projekto de ĝenerala organizaĵo por la tuta esperantistaro [1]; pri la rekonstruo de la domo li ne estis parolinta, de kiam li faris la desegnon, sed nun la projekto reviviĝis [2]; vi estas bonfaremaj, ke vi partoprenas en ĉiuj monkolektoj, filantropiaj projektoj kaj aranĝoj ^Marta ; inĝenieroj alportis projektojn de novaj metodoj de l' irigacio [3]; al la reĝo oni raportas, ke la projekto de la Genuano Kristoforo Kolumbo estas sensenca kaj meritas nenian atenton [4]; finna arkitekto […] gajnis la konkurson pri la plej bona projekto por registara konstruaĵo en Kuvajto [5]; ekster la du pretaj lingvoj, Volapük kaj Esperanto, efektive ofte aperas diversaj rapide bakitaj kaj rapide mortantaj projektoj kaj projektetoj [6]. programo¹, plano¹malneto

2.

Entrepreno por realigi konstruaĵon, verkon ks kun konkreta kadro de daŭro, buĝeto kaj laŭ detale ellaborita plano: laŭ la projekto de la inĝenieroj tiu ĉi fervojo estas konstruota en la daŭro de du jaroj [7]. arkitekto respondeca pri la projekto konstrui larĝan aŭtoŝoseon [8]; ni financis projekton, kiu laŭdire plenumiĝis dum tri jaroj, kun aĉeto de materialo kaj ĉiaspecaj elspezoj, [… sed] nenio estis reale efektivigita [9]; inĝenieroj provis kovri la kreskantan akvobezonon per ĉiam pli grandaj projektoj kaj pli profundaj traboroj [10]; evoluigaj projektoj […] pri lernejoj [11]; la brazila metalmuzika projekto Barok’ ricevas la duan lokon de la ĵurio [12].

3.

Ideo proponata kiel efektivigota: li faras ĉiam belajn projektojn, kiujn li forgesas la morgaŭon; kiuj estas viaj projektoj por la somero ^VdE ? la geedzoj konstruis senfinajn projektojn pri la ekzistado de l’ estonta infano [13]; estus bone, [se vi verkus] almanakon, aŭ ion similan […] – viaj konsiloj estas proksimaj al miaj projektoj [14]; plendu al la princo, ke via frato proprigis al si la bovinojn, postulu, ke li redonu ilin... la brutaro utilus […], Anka komunikis sian projekton al Gregorio [15]. intenco, volo

Rim.: Tiun difinon kaj ekzemplojn mi opinias malbonaj. Laŭ mia lingvosento projekton oni faras ne nur por si mem, sed ankaŭ por la aliaj (kiuj ĝin akceptu), dum planon oni povas fari kaj por sia persona uzo (plano de verkota romano, de feria vojaĝo), kaj por la aliaj. [Sergio Pokrovskij]

(tr)

1.

Intenci, plani fari ion klare difinitan: ĉi tiu serio iasence estas provo ŝtopi la breĉon lasitan por la neplenumo de antaŭmilite projektita „Franca Antologio“ [16].

2.

Ellabori projekton¹ aŭ ²: Japanio projektis kaj parte realigis novan grandan insulon surloke de iama Mariana Insularo [17]; la nova stadiono, projektita de Kenzo Tange [18].

Prezento de la bazoj de arta lingvo ankoraŭ ne uzata: la studentoj, sen iu ajn antaŭprepariĝo, dum seminaria horo devis skizi la bazon de propra, surloke inventita lingvoprojekto [19].