^*kluz/o ^PV

1.  ↝

Baseno, fermebla per pordosimila akvobarilo unu- aŭ ambaŭflanke, uzata por reguligi la alfluon al pli malaltnivela kanalo aŭ por levi aŭ mallevi ŝipojn inter du diversnivelaj partoj de rivero aŭ kanalo: [la] rivereto […] fluas malantaŭ la ĝardenoj, de la kluzo ĝis la akva muelejo [1]; la akvo fluis kun granda forto, ĉar la kluzoj de la akva muelejo estis malfermitaj [2]; fariĝis tiel forta pluvego, kvazaŭ la ĉielo estus unu sola kluzo, el kiu falegas la akvo [3]; en la apudbordaj akvobaroj oni malfermis la kluzojn, kaj la akvo komencis rapide plenigi la kanalojn kaj la grandegan artan lagon [4]; la kluzisto […] perfekte konis la funkciadon de la kluzoj kaj […] enlasis la marakvon en la polderon [5]; (figure) la milito kontraŭ Libio ĉe la okcidenta limo estis kluzo por la heroaj instinktoj [6]. akvoŝtupo, baraĵo, digo, elevatoro, lifto

2.  ↝

[7] Interfaco destinita por konekti du komputilajn retojn: kluzo inter s.c.e kaj la dissendolisto […] ŝajne fortranĉas informojn [8].

Rim.: Kontraste al simpla enkursigilo, kluzo povas konekti diversnivelajn (aŭ pli ĝenerale, malsamprotokolajn) retojn ― ĝuste tion aludas la metafora termino.

plusendilo

Ambaŭflanke fermebla kamero aŭ tubo inter du lokoj de malsamaj premoj, varmecoj aŭ aliaj atmosferaj kondiĉoj, uzata por pasi de unu al la alia: por antaŭzorgo, li havis du aliajn ŝipanojn, jam en kompletoj, atendantajn en la aerkluzo [9].