filistr/o ^JED

filistro

1.: Homo sen idealo, kiu zorgas nur pri ĉiutagaj, vulgaraj aferoj, kaj estas indiferenta pri altaj, noblaj ideoj: Hej, kiel ŝprucis la fajreroj, // Se kun filistroj ni petolis! // Knabinoj virtaj en kameroj // Sin riglis dum ni preterbolis [1]; vi povas eĉ nomi min sentimentala filistrino […] ^Metrop; ne ekzistas en Eŭropo tiu sensanga filistro, kiu tolerus tiun medion [2]; Marta estis eta filistrino, kiu pale floris en la marĉo de la banko [3]. artisto, intelektuloburĝo⁴, materialisto, mediokrulo
2.: Tiu, kiu ne estas studento de universitato, aŭ ne militisto; fiburĝo.

1. Raymond Schwartz: La Stranga Butiko, Antaŭsignoj
2. Sándor Szathmári: Vojaĝo al Kazohinio, Sesa Ĉapitro
3. Ferenc Szilágyi: Koko Krias Jam!, I

: Nur zorganta pri ĉiutagaj, vulgaraj aferoj, ne interesiĝanta pri aferoj de arto kaj klero: super la komodo, memkontente ridetante, rigardas el la kadro ronda filistra vizaĝaĉo kun glate kombitaj haroj ^Metrop; li konfesis ĉiujn siajn herezajn pensojn, parolis […] pri sia fuĝo el la ĉefurbo de la filistra ordo [4]; [ili] firmtenas la ŝanceliĝantajn naciajn kaj filistrajn limpalisojn, ĉar ili timas, ke ankoraŭ tute aliaj aferoj povus ekŝanceli [5]. bagatelema, etanima, pedanta, proza

4. Ferenc Szilágyi: La Granda Aventuro, II.
5. B. Traven, trad. Hans Georg Kaiser: Mortula Ŝipo, Rakonto de usona maristo, Ĉapitro 43