tradukoj: be ca cs de en fr hu it nl ru sk sv tr

*societ/o

*societo  

1.  
Daŭra kuniĝo de pli malpli multaj personoj sub komuna regularo por atingi komunan celon, ĉu plezuran, ĉu profitan, ĉu komercan: Esperantismo devas esti movado ne nur societa sed socia; precipe ni turnas nin al diversaj sciencaj societoj kaj kongresoj [1]; societo de komercistoj [2]; la Amerika Filozofia Societo [3]; la franca societo de savado de dronantoj FK . SIN:asocio1, ligo2kompanio2
2.  
Grupo aŭ klaso da homoj interrilatantaj surbaze de komuna socia rango, kutimoj aŭ moroj; kunularo: mi malamas societon de malbonfarantoj, kaj kun malpiuloj mi ne sidos [4]; pekuloj en societo de piuloj [5]; en la alta societo plej modaj estis la interparoladoj pri la ĝenerala malĝojo [6]; bone aspektas, kiam oni en societo montriĝas en uniformo [7]; en societo ŝi ĉiam devis aŭdigadi sian voĉon, kaj tial ŝi kantadis [8]; pense rigardu en tiu granda omnibuso, la societo estas miksa, ĉar reĝo kaj almozulo, geniulo kaj kreteno, sidas apude [9]; aliaj en societo de dancistinoj trinkis sur la teraso [10]; mi estas almenaŭ en bona societo, en kompanio kun la leviĝanta suno! [11]. VD:mondumo, komunumo2
3.  
JUR Jura persono kun laŭleĝe difinitaj rajtoj kaj devoj: akcia societo.
4.  
(arkaismo) POL Socio: ni havus sekve ne lingvon internacian en la vera senco de tiu ĉi vorto, sed nur lingvon internacian por la pli altaj klasoj de la societo [12]; la homa societo VivZam .

societema

1.
Ŝatanta kuneston, interparolon, kunagadon: la rusoj estas societemaj homoj [13]; oni ofte ludas en societema rondo kaj malpli sur scenejo [14].
2.
MAT (p.p. nombroj) Nombroj en fina vico de pli ol du naturaj nombroj, ĉiu el kiuj estas la sumo de la propraj divizoroj de la antaŭa nombro, kaj la unua la sumo de la propraj divizoroj de la lasta.: estas malfermita demando ĉu ĉiu nombro estas aŭ societema aŭ finiĝas je primo (kaj de ĉi tie 1), aŭ ĉu male ekzistas nombro kies obla vico neniam finiĝas [15].

societumi

(ntr)
Renkonti homojn, volonte resti kaj rilatadi kun ili: somere oni bicikle ekskursis al konatoj, al la maro por naĝi, al belaj lokoj por societumi en la naturo [16]; je la komenco de ĉiu monato bahaaj komunumoj havas kunvenon nomitan la Festo de la Dek-naŭa Tago por kune adori, interkonsiliĝi, kaj societumi [17].

malsocietema

Ne ŝatanta societan vivon, apartiĝema: Ŝjangzi […] restis silentema kaj malsocietema [18]; Hermans estis sufiĉe malsocietema […] tamen en persona vivo li povis esti tre kora [19].

akcia societo  

EKONJV
Komerca societo3 aŭ kompanio, kies kapitalo estas dividita en akciojn, atestantajn la rajtojn de la societanoj ilin posedantaj; akcia kompanio: akcia societo por kemia industrio [20]; dividendo estas parto de neta profito de […] akcia […] societo, kiu estas dividita laŭtempe inter la […] akciuloj [21].
Rim.: Ne konfuzu kun: korporacio

sekreta societo

Societo, kiu ne publike konigas sian celon, sian funkciadon aŭ kies anoj ne publike agnoskas sian anecon: Ŭang la Leono estis ĉefo de sekreta societo, kiu havis en la montaro sian ĉefsidejon [22]; ĝis hodiaŭ ekzistas sekreta societo de Guglmänner, esperante gugluloj, kiuj en nigraj kapuĉoroboj […] daŭre memoras kaj adoras la iaman reĝon [23]; Kranio kaj tibioj, sekreta societo fondita en 1832, kies emblemo montras kranion super krucitaj tibioj en cirklo [24].

tradukoj

anglaj

~o: society; ~ema 2.: sociable numbers; akcia ~o: joint-stock company, company with share capital, corporation; sekreta ~o: secret society.

belorusaj

~o: таварыства, грамада, суполка, гурт.

ĉeĥaj

~o: asociace, jednota, spolek, společenství, společnost; ~ema: družný, společenský; mal~ema: nespolečenský; akcia ~o: akciová společnost; sekreta ~o: tajný spolek.

francaj

~o: société; ~ema: liant (sociable), sociable; ~umi: sortir en société; mal~ema: insociable, sauvage (peu sociable); akcia ~o: SA (société par actions), société par actions (SA); sekreta ~o: société secrète.

germanaj

~o 1.: Verein, ; ~o: Gesellschaft; ~ema 1.: gesellig; ~ema 2.: gesellige Zahl; ~umi : in Gesellschaft verbringen; mal~ema : ungesellig; akcia ~o: Aktiengesellschaft, AG; sekreta ~o : Geheimbund.

hungaraj

~o 1.: társaság, társaskör; ~o 2.: (baráti) társaság; ~o 3.: társaság ; akcia ~o: részvénytársaság; sekreta ~o: titkos társaság.

italaj

sekreta ~o: società segreta.

katalunaj

~o: societat; akcia ~o: societat anònima [SA].

nederlandaj

~o 1.: gezelschap, vereniging.

rusaj

~o: кружок, общество, объединение, компания; akcia ~o: акционерное общество, АО.

slovakaj

~o: asociácia, jednota, spolok; ~ema: družný, spoločenský; mal~ema: nespoločenský; akcia ~o: akciová spoločnosť; sekreta ~o: tajný spolok.

svedaj

akcia ~o: aktiebolag, AB.

turkaj

~o: şirket; akcia ~o: hisse senetli şirket(A.Ş.).

fontoj

1. L. L. Zamenhof: Esenco kaj Estonteco, ĉap. 8a
2. trad. L. L. Zamenhof: La Malnova Testamento, I. Reĝoj 10:28
3. L. L. Zamenhof: Paroloj, Parolado antaŭ la Kvara Kongreso Esperantista en Dresden en la 17a de aŭgusto 1908
4. trad. L. L. Zamenhof: La Malnova Testamento, Psalmaro 26:5
5. trad. L. L. Zamenhof: La Malnova Testamento, Psalmaro 1:5
6. B. Prus, trad. Kazimierz Bein: La Faraono, vol. 3, Ĉapitro V
7. H. C. Andersen, trad. L. L. Zamenhof: Fabeloj, vol. 2, Dio de dormo
8. H. C. Andersen, trad. L. L. Zamenhof: Fabeloj, vol. 3, Bona humoro
9. H. C. Andersen, trad. L. L. Zamenhof: Fabeloj, vol. 4, Turgardisto Ole
10. B. Prus, trad. Kazimierz Bein: La Faraono, vol. 1, Ĉapitro VIII
11. H. C. Andersen, trad. L. L. Zamenhof: Fabeloj, vol. 4, Abocolibro
12. L. L. Zamenhof: Esenco kaj Estonteco, ĉap. 5a
13. S. Bergman, trad. B. Gerdman: Tra sovaĝa Kamĉatko, 1932
14. Vikipedio, Sambo (muziko)
15. Vikipedio, Societema nombro
16. S. Johansson: Avo el Tombo, Beletra Almanako, 2016-10 (27)
17. Vikipedio, Bahaa Kredo
18. Lao She, trad. Wang Chongfang: Kamelo Ŝjangzi, 1988
19. Vikipedio, Willem Frederik Hermans
20. Vikipedio, Gelsenkirchen
21. Vikipedio, Dividendo
22. Chun-Chan Yeh, trad. W. Auld: Montara Vilaĝo, 1984
23. Monato, Jomo Ipfelkofer: Monarĥo-mistero: ĉu murdo aŭ sinmortigo?
24. Monato, Michel Marko: Esti usonano aŭ ne (7)


ℛevo | datumprotekto | societ.xml | redakti... | traduki... | artikolversio: 1.26 2019/06/30 18:21:49