tradukoj: be br cs de en es fr hu mo nl no pl pt ru sv tr

*paĝ/o PV

*paĝo  

1.
TIP Iu el la du flankoj de paperfolio, sur kiu oni skribas aŭ presas: tiu ĉi libro havas sesdek paĝojn [1]; la malnova abocolibro kuŝis kun la unua paĝo supre kaj ĉi tiu paĝo estas en ĝi la plej grava, sur ĝi staras ĉiuj literoj [2]; la titola paĝo [3]; kovrilpaĝo [4].
2.
(figure) Skribaĵo aperanta sur iu el la flankoj de paperfolio: tuj de la unua paĝo ili divenas, ke sur la lasta ili trovos venkon Marta ; ŝi […] komencis avide legi paĝon post paĝo FK ; li […] trakuris per la okuloj la unuan paĝon [5]; tri linioj [da APL] sufiĉis por skribi programon, kiu faras la samon kiel tuta paĝo da C aŭ Basic [6]; doni tre mallongajn klarigojn malsupre de la paĝo pri nocioj [7].
3.  
(figure) Parto de verko aŭ okazaĵaro: oni trovas admirindajn paĝojn en tiu libro; tiu kongreso enskribis tre gravan paĝon en la historion de nia afero [8]; la sveda periodo estas la plej hela paĝo de la historio de Latvolando.
4.
KOMPKompLeks Fizika rikordo, aro da la memorĉeloj havantaj identajn komencajn bitojn de la adreso, traktebla kiel unu tuto en iuj operacioj.
5.  
RETKompLeks Retpaĝo: la pentraĵo aperis somere 2001 en la inter artistoj populara interreta paĝo art.scene.lt [9].

paĝaro

RET Retpaĝaro: la Interretaj paĝaroj pri Ido asertas, ke idistojn oni nombras inter 2000 kaj 5000 [10]; Flickr provis fliki sian paĝaron laŭ malbone pripensita maniero [11].

enpaĝigi  

TIP Preparante eldonadon, aranĝi tekstojn kaj bildojn sur paĝoj: ni nun aplikas plej novan teknikon por enpaĝigi kaj prespretigi la revuon Monato ; iom post iom estis tro streĉe enpaĝigi, eldoni, presi kaj administri, sed helpantojn li ne povis dungi pro financaj kialoj [12]; enpaĝigistoj sidas antaŭ longa vico da tekstoj [13]; eldono bela kiel kutime, misenpaĝigo de p. 267-269, sed facile ĝustigebla sen troa ĝeno ĉe legado [14]. SIN:komposti

flavaj paĝoj  

(frazaĵo) Adresaro aŭ simila listo de lokoj, informejoj...: „La Flavaj Paĝoj“, Esperanto en la Reto ― kelkaj rapidaj referencoj [15].
Rim.: En multaj landoj oni presas telefonlibrojn sur flava papero. La kromnomon „flavaj paĝoj“ oni uzas do ankaŭ pri alispecaj adresaroj.

hejmpaĝo  

RET Ĉefpaĝo de retejo, precipe de malgranda persona retejo: hejmpaĝo de trilofajfila produktejo en Germanujo [16]; 1512 adresoj de 1132 personoj el 63 landoj kun […] 256 hejmpaĝoj [17]; la nombro da Esperantaj hejmpaĝoj saltis de 330 en 1998 al 788 en 2003 [18].

retpaĝo

RET Peco de hiperteksto trovebla en TTT per retadreso (URL): eta bildo troviĝas fine de la retpaĝo [19]; se oni kredas la retpaĝojn, lastatempe la ĉefa okupo de Seborgo devas esti la 100 mil turistoj, kiuj jare vizitas la aspirantan mikroŝtaton [20]; simple mankas la rimedoj por traduki ĉiujn retpaĝojn en ĉiujn lingvojn [21]; la retpaĝoj de la internacia asocio de konferencinterpretistoj [22].

retpaĝaro

RET Kolekto da retpaĝoj, precipe se ili havas komunan temaron aŭ aŭtoron: la retpaĝaro de la Nord-Irlanda Instituto pri Regado, Publika Politiko kaj Socia Esplorado [23]; kompletan superrigardon de la rezultoj liveras la retpaĝaro pri EU-balotoj [24]; kiuj finlegis la libron, certe povas postĝui ĝin, vizitante la retpaĝaron de la aŭtoro [25]; por la muzeo oni instalis retpaĝaron [26]; vikipedio-stila retpaĝaro [27].

titolpaĝo  

TIP Iu el la unuaj paĝoj de libro prezentanta la titolon de la verko, la aŭtornomon kaj aliajn eldoninformojn: mi […] komencas rigardi la titolpaĝojn de la libroj […] kuŝantaj tie [28]; temas pri la titolpaĝo de ege rara kaj antikva biblio en la gaela lingvo, tradukita el la hebrea [29]; kvankam li post la infanaj jaroj ne plu loĝis en sia naskiĝurbo, li ĉiam menciis sian devenon en la titolpaĝoj de siaj traktaĵoj [30].

tradukoj

anglaj

~o: page; hejm~o: home page; titol~o: title page.

belorusaj

~o: старонка.

bretonaj

~o: pajenn; flavaj ~oj: pajennoù melen.

ĉeĥaj

~o: stránka.

francaj

~o: page; flavaj ~oj: pages jaunes; hejm~o: page d'accueil; titol~o: page de titre.

germanaj

~o: Seite; ~aro : Site; en~igi : setzen (Seite); flavaj ~oj: gelbe Seiten; hejm~o : Homepage; ret~o : Webseite, Netzseite; ret~aro : Website; titol~o : Titelseite.

hispanaj

~o: página; flavaj ~oj: páginas amarillas (teléfonos); hejm~o: página principal (internet); titol~o: portada (libro).

hungaraj

~o: oldal.

moldavaj

~o: паӂина.

nederlandaj

~o: bladzijde; flavaj ~oj: gouden gids; hejm~o: thuispagina, homepage; titol~o: titelbladzijde.

norvegaj

~o: side; flavaj ~oj: gule sider; hejm~o: hjemmeside.

polaj

~o: strona; flavaj ~oj: żółte strony; hejm~o: strona domowa (internetowa); titol~o: strona tytułowa.

portugalaj

~o: página.

rusaj

~o: страница; flavaj ~oj: жёлтые страницы , телефонный справочник .

svedaj

~o: sida.

turkaj

~o: sayfa.

fontoj

1. L. L. Zamenhof: Fundamento de Esperanto, Ekzercaro, § 14
2. H. C. Andersen, trad. L. L. Zamenhof: Fabeloj, vol. 4, Abocolibro
3. H. C. Andersen, trad. L. L. Zamenhof: Fabeloj, vol. 4, Abocolibro
4. Monato, Carlo MINNAJA: Marioneto ĉiam aktuala
5. H. C. Andersen, trad. L. L. Zamenhof: Fabeloj, vol. 1, Galoŝoj de feliĉo
6. Monato, Komputiko kaj Esperanto
7. Monato, Nina Korĵenevskaja-Gouriou: Kial lundo ekas sabate?
8. L. L. Zamenhof: Paroloj, Parolado antaŭ la Kvara Kongreso Esperantista en Dresden en la 17a de aŭgusto 1908
9. Monato, Antanas Grincevičius: Ĉokolada konflikto
10. Monato, Carlo Minnaja: Interlingvo: komparo inter du solvoj
11. Monato, pp: Flickr malbone flikas
12. Monato, Maul Stefan: Retrorigarde kaj perspektive
13. Monato, Stefan Maul: Ŝtopiĝo
14. Monato, Carlo Minnaja: Perfidita popolo
15. M. Weichert: Flavaj Paĝoj, soc.culture.esperanto, 1993-04-06
16. Vikipedio, Fajfilo
17. D. Ederveen: Esperanto-Adresaro: nova versio kun pli ol 250 hejmpaĝoj, soc.culture.esperanto, 1997-05-31
18. G. Brownell, trad. I. Fantom: Re: Newsweek: favora artikolo pri Esperanto, soc.culture.esperanto, 2003-08-10
19. Monato, Roland Rotsaert: Creative Commons: aŭtoraj rajtoj laŭmezure
20. Monato, Seborgo: Urbeto aŭ sendependa lando?
21. Monato, Perkomputila Tradukado: Universala Retlingvo
22. Monato, Marko Naoki Lins: Plurlingvismo valoras siajn kostojn
23. Monato, Garbhan Macaoidh: Lingvo kiel politikilo
24. Monato, Marko Naoki Lins: Civitanoj perdas intereson pri Eŭropo
25. Monato, Lode van de Velde: Suspenso de komenco ĝis fino
26. Monato, Alice Liu: Nova mono por malnovaj domoj
27. Monato, Roland Rotsaert: Simplaj solvoj por premaj problemoj
28. U. Matthias: Fajron sentas mi interne, Pro Esperanto, 1990
29. Monato, Garbhan MacAoidh: Ne irlandgaela, sed skotgaela
30. Monato, Franz-Georg Rössler: Homo universala, homo moderna: Johann Joachim Becher naskiĝis antaŭ 375 jaroj


ℛevo | datumprotekto | pagx.xml | redakti... | traduki... | artikolversio: 1.32 2018/09/10 19:10:24