^*verm/o ^UV

1.

Longforma, senvertebra, senpieda besteto, inklude de tiaformaj larvoj: vinon vi ne trinkos, nek enkolektos berojn, ĉar formanĝos ilin la vermoj [1]; sub vi sterniĝos vermoj, kaj vermoj estos via kovrilo [2]; kolekto da saĝaj kavaliroj en formo de vermoj venis nun al li kun vizito (en tombo) [3]; la mebloj estis pratempaj kaj vermotruitaj [4]; ricevi pomon kun vermo [5]; farunvermoj (tineolarvoj) [6].

2.

Iu el vermoj.

3.

(figure) Ia aflikto: vi volas rabi de mi la lastan konsolon ĉe la morto, ke la vermo de la konscienco ne permesu al mi fari mian lastan preĝon [7]; meze de ŝia ĝojo kaŝis sin unu vermeto malkvietiga [8]; ĉiu havas sian vermon (suferon, ĉagrenon) ^PrV .

4.

(figure) Senindulo: ne riproĉu min, sinjoro, ke tera vermo […] kiel mi, tiel strange montras sian ĝojon pro via alveno [9]; Vi, vermo, ordoni? al mi ordoni [10]? sinjoro! mi estas mizera vermo [11].

5.

Perturba komputila programo, kiu reproduktas sin mem en komputila reto: fia vermo Sasser penetris en mian komputilon, perturbis ĉion [12]; Mikrosofto devis pasintjare plurfoje konfesi sekurectruojn en IE, kaj famiĝintaj virusoj kaj vermoj misuzis la truojn [13].

Komuna nomo por kelkaj grupoj de senvertebraj dusimetriaj bestoj (Helminthes).

Klaso de la rondvermoj (Nematodes).

(frazaĵo)

Legavidulo, fervorulo pri libroj: danke al [recenzoj] mi ekscias pri libroj, kio estas tre grava por tia librovermulo kiel mi [14].

(komune) Eta koleoptero, kies larvo nutriĝas per borado de ligno kaj tiel difektas meblojn (Anobium punctatum): mi aŭdas de fojo al fojo ankaŭ la ĉirpadon de lignovermoj [15].

Vermoj kun iom plata korpo; filumo de la bestoj (Plathelminthes aŭ Platyhelminthes).

Vermoj kies korpo estas dividita en ringoformajn segmentojn; filumo de la bestoj (Annelida); anelidoj.

(arkaismo) Vermoj kun cilindra nedividita korpo; iama filumo Aschelminthes.

Rim.: La taksono ne plu estas parto de valida sistematiko. Nun oni alordigas la plej multajn el ili al grupo Cycloneuralia.

(komune) Ringovermo, kiu vivas en sablo de strando; genro Arenicola: la sablovermo longas 10-20, malofte 25 centimetrojn, dikas 1-1,5 cm, […] estas verd-flava aŭ bruneta [16].

(komune) Lumbriko: tervermoj […] sin nutras per restaĵoj de ŝeloj, fruktopecoj, ovoŝeloj kaj sekaj folioj, kaj produktas tre nutroriĉan humon [17]; tervermoj jam povis diferenci la gradon de lumigado, ĉe insektoj kaj kankrosimiluloj aperis pli perfektaj, la facetaj okuloj [18].

Klaso el la filumo ringovermoj (Clitellata).