*tub/o

*tubo  ↝ Vikipedio

1.  ↝
TEK Longa kava cilindroforma diversmateria ilo servanta por plej diversaj uzoj:ca plumba, kaŭĉuka, vitra tubo; tubo de pipo, de trumpeto, de pafilo, de kanono; akvotubo; gastubo; tubeto, en kiun oni metas cigaron, kiam oni ĝin fumas, estas cigaringo [1]; vidu la hipopotamon […] ĝiaj ostoj estas kiel kupraj tuboj, ĝiaj ostoj estas kiel feraj stangoj [2]; mi vidas kandelabron […], sep lucernoj estas sur ĝi, kaj po sep tubetoj troviĝas sur la lucernoj [3]; la malgranda knabo ekrigardis al la tekruĉo, la kovrilo leviĝis ĉiam pli kaj pli, kaj la sambukaj floroj eliris freŝe kaj blanke, elkreskigis grandajn longajn branĉojn, eĉ el la tubeto ili etendiĝis ĉiuflanken [4]; tubaperturo de pafilo [5]; oni enmetis la korpon en ŝtonan tubon, tra kiu dum kelke da tagoj pasis varmega aero, kaj sekiginte oni transdonis al la enbalzamigistoj [6]; el la kaldrono elstaris vertikala tubo, kovrita per peza ŝtono [7]; li alsaltis al la kontraŭa muro kaj almetis la buŝon al la aperturo de tubo, kondukanta al la supraj etaĝoj la voĉon, parolantan malsupre Marta ; fajrestinga tubo (vd hoso) [8]; ŝi vidis en oksigena kesto la ŝrumpan violan bebon kun multaj tuboj sur la korpo [9].
2.  ↝
RAD Vakutubo: ilia ekipaĵo konsistas el du ikso-radiaj tuboj: temas pri kolimatiloj kaj detektiloj de ambaŭ flankoj de ĉiu (plejofte pri tio nekonscia) pasaĝero [10].
1. L. L. Zamenhof: Fundamento de Esperanto, Ekzercaro, § 40
2. trad. L. L. Zamenhof: La Malnova Testamento, Ijob 40:18
3. trad. L. L. Zamenhof: La Malnova Testamento, Zeĥarja 4:2
4. H. C. Andersen, trad. L. L. Zamenhof: Fabeloj, vol. 2, Sambuka virineto
5. H. C. Andersen, trad. L. L. Zamenhof: Fabeloj, vol. 4, Malbona princo (Legendo)
6. B. Prus, trad. Kazimierz Bein: La Faraono, vol. 3, Ĉapitro IV
7. B. Prus, trad. Kazimierz Bein: La Faraono, vol. 3, Ĉapitro XI
8. N. V. Gogol, trad. L. L. Zamenhof: La Revizoro, Akto unua
9. Monato, Ziyu: Per patrina amo, 2005
10. Monato, Evgeni Georgiev: Skanado ĝena kaj kancerogena, 2013
angle:
tube, hose (flekstubo) 2. vacuum tube
beloruse:
труба, трубка, шланг, цюбік
bulgare:
тръба, маркуч (flekstubo)
ĉeĥe:
hlaveň, roura, trouba, trubice, trubka
france:
tube, tuyau akvo~o: tuyau d'arrosage
germane:
Rohr, Röhre, Leitung, Schlauch (flekstubo)
hungare:
cső akvo~o: vízcső gas~o: gázcső
katalune:
tub, canonada, canó
nederlande:
buis, slang (flekstubo) akvo~o: afvoerpijp gas~o: gasbuis
pole:
rura, tuba, przewód akvo~o: rura wodna, wąż wodny, przewód wodny gas~o: rura gazowa, gazrurka, przewód gazowy
portugale:
akvo~o: tubo, cano
ruse:
1. труба, трубка, шланг, тюбик 2. радиолампа
slovake:
rúra, trubica

tubisto PIV2 Vikipedio

Metiisto por instalado kaj riparado de tuboj de akvo, hejtado, defluo, necesseĝaj ktp: en 1937 malfermis surloke la heredinto Fritz Höber metiejon de tubisto kaj instalalisto [11]; [li] dum la Granda Depresio vivtenis sian familion laborante kiel tubisto [12].
11. Domo ĉe la ruĝa pordo
12. Vikipedio, Carl Fontana
angle:
plumber
france:
plombier
germane:
Klempner
hungare:
csőszerelő, vízszerelő
katalune:
llauner
nederlande:
loodgieter
pole:
hydraulik, kanalarz (pot.)
portugale:
bombeiro hidráulico, encanador
ruse:
водопроводчик, сантехник

bildotubo PIV1  ↝ Vikipedio

RAD Granda vakutubo kun ekrano1, en malnova televida ricevilo aŭ komputila vidigilo, en kiu la ricevita bildo estas videbligata per katodaj radioj: Adriano tuj saltis antaŭen por turnile malaltigi la helecon por protekti la bildtubon [13]; en kolortelevidila bildotubo estas tri kanonoj [14].
13. Pejno Simono: Ĉu vi volas konjakon?
14. Griza Leono: Kiel funkcias televido?
angle:
picture tube, CRT, cathode-ray tube
germane:
Bildröhre
portugale:
tubo de imagens, tubo de raios catódicos
ruse:
кинескоп, электронно-лучевая трубка

flekstubo  ↝

Malrigida tubo, kiu kondukas gason aŭ fluaĵon; hoso: kiam mi ĝardenumis, mi trinkaĉis la akvon el flekstubo [15].
15. J. Malá: Batpurigilo, Esperanta Retradio, 2018
france:
flexible (tuyau), tuyau souple
germane:
Schlauch
portugale:
mangueira

glittubo  ↝

SPO Dekliva glitvojo, tobogano en formo de tubo (foje ne tute fermita): oni […] fondis akvoparkon kun plej longa en Pollando glittubo [16].
16. L. Ligęza: Inter artaĵoj naturaj kaj homaj, Pola Esperantisto
france:
glissoire d'eau, toboggan à eau
germane:
Rutsche (geschlossene)
katalune:
tobogan aquàtic
pole:
rura (pot.), ślizgawka wodna, zjeżdżalnia wodna
portugale:
tobogã aquático

*kamentubo  ↝ Vikipedio

ARKI Masonita aŭ metala tubo, per kiu la fumo el kameno aŭ ĉambra forno eliras eksteren: kie fumas la kamentubo, tie oni kuiras manĝaĵon [17]; kiel grenventumaĵo, kiun la vento forblovas de la draŝejo, kaj kiel fumo el la kamentubo [18]; notu en la kamentubo PrV .
17. H. C. Andersen, trad. L. L. Zamenhof: Fabeloj, vol. 4, La vento rakontas pri Valdemaro Doe kaj pri liaj filinoj
18. trad. L. L. Zamenhof: La Malnova Testamento, Hoŝea 13:3
angle:
chimney
beloruse:
комін
bretone:
siminal
bulgare:
комин
ĉeĥe:
komín
france:
conduit de cheminée, cheminée (sur le toit)
germane:
Schornstein
hungare:
kémény
katalune:
xemeneia
nederlande:
schoorsteen(pijp)
pole:
komin, przewód kominowy
portugale:
chaminé
ruse:
дымовая труба, печная труба
slovake:
dymovod kozuba, komín

kamentubisto  ↝

Persono kies laboro estas skrappurigi la kamentubojn: la kamentubisto fikse ŝin ekrigardis kaj diris: „mia vojo iras tra la kamentubo!“ [19].
19. H. C. Andersen, trad. L. L. Zamenhof: Fabeloj, vol. 1, Paŝtistino kaj kamentubisto
ĉeĥe:
kominík
france:
ramoneur
germane:
Schornsteinfeger
hungare:
kéményseprő
katalune:
escura-xemeneies
nederlande:
schoorsteenveger
pole:
kominiarz
portugale:
limpa-chaminés
ruse:
трубочист
slovake:
kominár

pantalontubo  ↝

TEKS Krurumo: ŝi formetis siajn ŝuojn kaj ŝtrumpetojn kaj suprenrulis siajn pantalontubojn ĝisgenue [20].
20. Chun-Chan Yeh, trad. W. Auld: Montara Vilaĝo, 1984
ĉeĥe:
nohavice
france:
jambe de pantalon
germane:
Hosenbein
portugale:
perna de calça
slovake:
nohavica

provtubo Vikipedio

BIOKEM Tubforma vazeto, ordinare el vitro, en kiu oni provas reakciojn ĉe fluaĵoj aŭ gasoj: provtubetoj kaj analizoj ne lasas sin influi de komedio [21].
21. Deck Dorval: Urd Hadda murdita!, p. 28a
ĉeĥe:
zkumavka
france:
éprouvette, tube à essai
germane:
Teströhrchen, Reagenzglas
hungare:
kémcső, lombik
katalune:
tub d'assaig, proveta
nederlande:
proefbuis
pole:
probówka
portugale:
tubo de ensaio
ruse:
пробирка
slovake:
skúmavka

vakutubo  ↝ Vikipedio

RAD Elektronika aranĝaĵo (ne plu uzata), vitra aŭ metala vazo el kiu ĉiuj gasoj estas forigitaj, kaj kies elektrodoj regas fluon de elektronoj: la vicoj de vakutuboj ekglimis kaj la ŝaltita televidilo malrapide varmiĝis [22].
22. Pejno Simono: Ĉu vi volas konjakon?
angle:
vacuum tube
france:
tube à vide
germane:
Vakuumröhre
ruse:
электронная лампа, радиолампа

katodradia tubo PIV1  ↝ Vikipedio

RAD Bildotubo: grava inventaĵo de Braun estas la pluevoluigo de la katodradia tubo [23].
23. Vikipedio, Ferdinand Braun
ĉeĥe:
katodová trubice
france:
tube cathodique
germane:
Kathodenstrahlröhre
slovake:
katódová trubica

administraj notoj

pri kamen~isto: 
    Laŭ PIV2 (sed ne PIV1), „kamentubisto“
    estas fundamenta.
    Mi tamen ne trovis ĉi tiun kunmetaĵon en la Fundamento.
    [Sergio]
fleks~o: Mankas dua fontindiko.
glit~o: Mankas dua fontindiko.
kamen~isto: Mankas dua fontindiko.
pantalon~o: Mankas dua fontindiko.
prov~o: Mankas dua fontindiko.
vaku~o: Mankas dua fontindiko.