^*trik/i

(tr)

Fari maŝteksaĵon plektante fadenojn per vergetoj aŭ per speciala maŝino: ili trikis ŝtrumpojn, la dratoj trembrilis en iliaj manoj [1]; ŝi trikis unu maŝkirason post la alia [2]; (figure) ŝi brodis mensogojn kaj trikis senpripensajn vortojn (kp ŝpini⁴) [3]; vi mastrumos en nia domo, kuiros, lavos, kudros, trikos, zorgos pri ordo [4]; el lino ŝi trikis reton kaj sur ĝi fiksis 1022 argilajn folietojn [5]. brodi, kudri, teksi

Io trikita, aparte vesto, ĉemizo ks: la paŝtistino flankenmetas la trikaĵon, kaptas la testikojn de la bovo […] mane pesante ilin [6]; ŝi surhavis bluĝinson kaj malhele ruĝan trikaĵon [7]; oni povas vidi […] brodaĵojn, trikaĵojn kaj kroĉetaĵojn, kies ornamaĵoj estis transprenitaj el renesancaj modeloj [8]. trikita jako, trikoto

Rekta vergeto uzata por triki: ĉu lakto estas kun akvo, oni povas sciiĝi en la sekvanta maniero: bone poluritan trikilon (trikkudrilon) oni trempas en profundan vazon da lakto […] [9]; ŝi trikis ŝtrumpon, kaj la ŝtalaj trikiloj brilis en la radioj de la suno [10]; ne ĉesante movi la trembrilantajn trikilojn kun pli kaj pli granda maltrankvilo [ili] rigardis la blindiĝantan mondon [11]; la kato […] ne povante liberigi la piedojn el la fadenoj, sidis kune kun la ŝtrumpo, trikiloj kaj volvaĵo sur la alia fino de la balkono kaj petege rigardante sian sinjorinon, miaŭis [12].

(tr)

Triki per hoketo: per la hoko, kiu situas en unu ekstremaĵo de la vergeto, la fadeno estas tirata por formi nodojn; dezirantoj partopreni kursojn pri trikado kaj hoktrikado, kunportu trikilojn kaj hoketojn [13]; avino, sidinte ĉe ronda tablo, hoktrikis lanan tukon [14].

(tr)

Hoktriki: diru al mi ion pri tiu tuko! ĉu ĝi estas kroĉtrikita aŭ speciale sorba […] [15].