^*ŝrank/o ^PV

^*ŝranko ↝

: Meblo en formo de alta kesto, fermebla per unu aŭ pluraj pordetoj, provizita je bretoj aŭ hokoj por konservi vestojn, tolaĵojn, manĝaĵojn, teleraron aŭ alispecajn objektojn: mi sendis mian serviston pro la mantelo, kaj li metis ĝin en la ŝrankon kun miaj aliaj vestoj [1].

1. R. E. Raspe, trad. J. D. Applebaum: [La Vojaĝoj kaj] Mirigaj Aventuroj de Barono Münchhausen, ĉapitro 4a

angle:: cupboard
beloruse:: шафа
bulgare:: шкаф
ĉeĥe:: skříň
france:: armoire
germane:: Schrank
greke:: ερμάρι
hebree:: ארון
hispane:: armario
hungare:: szekrény
itale:: armadio
katalune:: armari
nederlande:: kast
okcitane:: armari
pole:: szafa
portugale:: armário, estante
ruse:: шкаф
svede:: skåp
turke:: dolap

elŝrankiĝi

: (frazaĵo) Publikigi memkoncernan aferon, pri kiu oni antaŭe diskretis aŭ sekretis: ekde tiu tempo mi „elŝrankiĝis“ kaj publike koncedas ke mi estas samseksemulo [2]; neelŝrankiĝintaj antisemitoj [3].

2. M. van Gompel: Pri mi, [vidita en 2011]
3. J. Camacho: ne eblas misinterpreto, libera folio, 2010-12-10

france:: faire son come-out

kirasŝranko ↝

: Metala, fortika ŝranko kun speciala seruro por konservo de multekostaĵoj: la mono estis en la kirasŝranko [4].

4. Harry Harrison, trad. Reinhard Fössmeier k.a.: Naskiĝo de la rustimuna ŝtalrato, ĉapitro 13a

france:: coffre-fort
germane:: Panzerschrank
itale:: cassaforte
svede:: kassaskåp

libroŝranko ↝

: Brethava ŝranko, ofte kun vitraj pordetoj, destinita por libroj: la granda libroŝranko, en kiu staris multe da sciencaj kaj interesaj libroj [5].

5. H. C. Andersen, trad. L. L. Zamenhof: Fabeloj, vol. 4, Abocolibro

france:: bibliothèque (meuble)
germane:: Bücherschrank
itale:: libreria (armadio)
ruse:: книжный шкаф
svede:: bokskåp

vestoŝranko ↝

: ŝranko por tenado de vestoj, ofte kun instaloj por ilin pendigi: la rompiĝintan zonon vi trovos en la kesto apud la vestoŝranko [6].

6. H. A. Luyken: Pro Iŝtar, ĉapitro 20a

bulgare:: гардероб
france:: penderie
germane:: Kleiderschrank
itale:: guardaroba (armadio)
svede:: garderob, klädskåp

vitroŝranko ↝

: Vertikala vitrino en formo de ŝranko kun vitra antaŭo aŭ vitraj pordoj: apud ĝi, vitroŝranko povus stari kun iom da porcelenaĵoj [7].

7. K. Linzen, trad. J. Schröder: Kiam mi Maljuniĝos, Juna Esperantisto, 1913-11, p. 119a

france:: vitrine (verticale)

administraj notoj