vitrin/o ^PV

Vitra instalaĵo por elmontri objektojn.

a)

Elmontra, parte vitra meblo: scienca kuriozaĵo gardata en luksa vitrino de l' Antropologia Muzeo de Madrid [1]; 13 surmuraj informpaneloj, 5 tablovitrinoj kaj vico de vitroŝrankoj [2]; la libron oni gardas sub apartaj kondiĉoj, en ejo kun speciale prilaborita vitrino [3]; mi ekadmiris la loĝejon de veraj riĉuloj […] plenplena de persaj tapiŝoj, en la vitrinoj brilis la kristaloj, sur la muroj pendis grandegaj kaj belegaj pentraĵoj [4];

b)

Montrofenestro: ili drivis de magazeno al magazeno babilante kun gaja senrespondeco pri frivolaĵoj dum ŝi rigardis de tempo al tempo la vitrinojn [5]; sur la muroj de la konstruaĵoj, sur la vitrinoj de la vendejoj kaj sur la fenestroj ludis kuprokoloraj briloj [6].