2siluet/o PV

silueto

Formo klare kontrasta al la ĉirkaŭa fono kaj kies propra enhavo malpli klaras; tiaspeca desegno de profila vizaĝo, de homo, de aĵo: piramidoj estis distingeblaj kiel siluetoj en la […] dezerto [1]; li eĉ ne vidis la virinan silueton malantaŭ la vira figuro IK ; lia eleganta kaj gracia silueto, lia profilo kun delikataj brovoj kaj kun maldikaj lipoj IK ; en neklara nebulo […] estis videblaj nur siluetoj Metrop ; la pluvego penetris ĝis la ostoj […] mi vagis ĉirkaŭ senbrue moviĝantaj siluetoj, stumblante Metrop ; ili haltis sub la subiranta suno, forminte du kontrastajn siluetojn Metrop ; la firmamento iĝis violeta, la nigraj siluetoj de la cipresoj fariĝis ankoraŭ pli klaraj, ol dum la taga lumo QuV . VD:konturo
angle:
 silhouette
beloruse:
 сылюэт
ĉeĥe:
 kontura, obrys, silueta
france:
 silhouette
germane:
 Umriss, Silhouette
hungare:
 árnykép, árnyrajz, körvonal, sziluett
itale:
 profilo (figura), sagoma (disegno), silhouette
katalune:
 silueta
nederlande:
 silhouet
perse:
 ضدّنور، سیلوئت
portugale:
 silhueta
ruse:
 силуэт
slovake:
 obrys, silueta
ukraine:
 силует

silueti

(tr)
Aperigi kiel silueto: steloj post steloj […] malaperis trans neklare siluetita horizonto Iŝtar ; La tuto tiujn siluetas, // Kiuj verslibrojn ne aĉetas LSB . VD:elstarigi

siluetiĝi

(ntr)
Aperi siluete: la loga surdula mondo, eble ĝis nun nekonata al la plimulto, siluetiĝos ĉe la ekrano de via komputilo [2].
france:
 se découper sur (en silhouette)
germane:
 sich als Silhouette abheben

administraj notoj