prizon/o

prizono

: Oficiala malliberejo por gardado de arestitoj aŭ kondamnitoj: dum tiuj ekleziuloj diversmaniere amuziĝis kaj diboĉis, Hus senkulpe kuŝis en tenebra prizono, kie li dufoje grave malsaniĝis [1]; kiel homoj forkurintaj el prizono kaj rifuĝantaj en templojn ili ĝojplene eskapas la metiojn kaj kuras al filozofio ^Rsp; la manuskripto ekestis en la londona prizona tempo inter 1923 kaj 1924 ^MortulŜip; aŭdienco ĉe la prizona pastro ^MortulŜip. arestejo, karcero

1. Jiří Patera: Johano Hus – ĉu ne plu herezulo?, Monato, 2000/08, p. 19

: Iu malliberigita en prizono: fuĝinta prizonulo ^MortulŜip; li, estante prizonulo de la cara reĝimo, senemocie studis lernolibron de Esperanto, dum liaj samsortanoj estis mortpafataj ^EeP.

(tr)

: Ellasi el prizono: la juĝisto elprizonigis arkitekton kondamnitan al kvar jaroj en malliberejo pro trafik-akcidento [2]; iujn [oni] fojfoje elprizonigas kontraŭ granda monsumo [3]; krimulo kondamnita al 10-jara enkarcerigo ĝenerale estas elprizonigata post ses jaroj [4].

2. Garbhan MacAoidh/pg: Malbona investo, Monato, 2000/11, p. 12
3. Monato, Bardhyl Selimi: Vojaĝimpresoj, somero 2002: Kosovo antaŭeniras, 2003
4. Monato, Astrid Millet: Kial la kolero?, 2011

(tr)

: Konduki al prizono kaj enfermi en ĝi: oni enprizonigis lin kiel „demokraton“, kromnomo, pri kiu li fieregis [5]; unua tago: enprizoniĝo, banado, kontrolo de la saneco, eldono de la tolaĵo, disdono de ĉeloj ^MortulŜip.

5. Bardhyl Selimi: Viro ĉe la landlimo, Monato, 2002/10, p. 21