^*mus/o ^PV

1.

Genro el familio musedoj (Mus), tre malgranda ronĝulo, ordinare kun griza felo kaj longa nuda vosto, vivanta kutime en domoj: el sub la kanapo la muso kuris sub la liton [1]; malgrandaj musoj kuradis sur la planko [2]; pip! pip! aŭdiĝis subite en la pordo de la kuirejo, kaj malgranda muso […] ensaltis [3]; per lardo oni kaptas musojn [4]; ĝua ludo de kato kun muso terurata ^CKv ; mi trovis ne muskaptilojn sed musojn ^MortulŜip ; la monto gravediĝis sed fine naskis nur muson [5]; muso la katon ĉiam ofendis ^PrV ; kuradi kiel venenita muso (senutile barakti) ^PrV .

2.

Enigilo (dialoga disponaĵo) kiun la uzanto movas (ĵargone: „trenas“) sur horizontala ebeno (ekz-e sur sia tablo, prefere kovrita per musmato), tiel movante muskursoron sur la ekrano de sia komputilo. La elekton de la montrata pozicio kaj de la responda ekranaĵo la uzanto indikas per premo (kutime akompanata de klako) sur klavon provizitan sur la dorso de la muso: surmovu la montrilon de via muso ĝis la rando de la fenestro: la du rektanguloj devas tuj aperi ^Kon11 ; la uzanto […] devas klaki, kliki, kvazaŭ per piano klavumadi kaj ludi per muso [6]; krajonforma plasta bastoneto uzata kiel grafika enigilo, funkcianta per tuŝoj kaj strekoj […] funkcie proksima al muso [7]; la tuŝekrano estas grava, […] ĉar la tuta uzantosperto estas bazita sur interagado per fingroj, ne per muso kiel ĉe tekokomputilo [8].

(komune)

Eta griza ronĝulo vivanta en arbaroj de Centrazio ĝis Eŭropo, noktema, tradormanta la vintron; genro el la familio gliredoj (Glis): mi trinkas kiel fiŝo, mi dormas kiel dormomuso [9]. gliro

1.

(komune) Mikroto: la kampa muso loĝis ŝirmite kaj komforte, ĝi havis ĉambron plenan de greno [11].

2.

^Viki Ronĝulo el la subfamilio Arvicolinae, simila al muso sed kun pli fortika korpo, pli mallonga hareca vosto, iom rondoforma kapo, pli malgrandaj oreloj kaj okuloj, kaj aliformaj vangodentoj, ne vivanta en domoj sed ekstere: liaj vangoj pufiĝis kiel tiuj de maljuna kampmuso transportanta grenon [12]. mikroto, ondatro, hamstro

Bildstria kaj desegnofilma figuro de muso kreita de Walt Disney en 1928; anglalingve Mickey Mouse: la itala justico ridindigis sin, kiam tribunalo de Napolo, pritraktante kazon pri falsado de vestaĵoj […] erare kunvokis – kiel ofenditan partion – Miĉjo Muso-n, Donaldo Anaso-n kaj aliajn „personojn“ [13].