^*mastr/o ^UV

Tiu, kiu posedas, ordonas kaj disponas: bona servisto de bona mastro; li estas sia propra mastrino (li vivas fraŭle) ^PrV ; hundo fidela al sia mastro; trezoro sen mastro; li fariĝos mastro super la trezoroj de oro, arĝento, kaj ĉiuj grandvaloraĵoj de Egiptujo [1]; Romo fariĝis mastro de la mondo; materiala mastro de tiu ĉi lingvo estas la tuta mondo [2]; la spiritaj mastroj de la lingvo [3]; la tutan mastrecon pri Esperanto [Zamenhof] transdonis al la esperantistoj mem [4].

a)

Homo havanta serviston, rilate al tiu servisto: Rekoninte sian junan mastron, kiu staras tute sana fumante sian cigaron, la fidela servisto ekpuŝis krion pro miro ^KPr ; La mastro mortis, la mastrino troviĝis en premita situacio, la servistino fariĝis nenecesa [5]; mastro en vojo, servantoj en ĝojo (vd kato) ^PrV ; Ĉe mastro ŝtelisto la servantoj ne ŝtelas ^PrV . sinjoro²

b)

Estro de hotelo gastejo, komercejo: li troviĝis ĝuste antaŭ drinkejo, li volis eniri, sed en la sama momento la drinkejmastro volis eliri [6]; la gasto pagis sian kalkulon kaj kuŝiĝis, la mastro nokte ŝteliris en la stalon, elkondukis la […] azenon [7]; la knabo eniris en gastejon kaj demandis la mastron, ĉu li povas akcepti la bestojn por la nokto [8]; la loĝejoj de la mastro kaj vojaĝantoj okupis tri etaĝojn, malsupre estis drinkejo kaj restoracio [9].

c)

Estro de fabriko aŭ laborejo: la teksa industrio submetiĝis al la postuloj de la britaj mastroj celantaj avide profitigi la proprajn teksejojn en nord-okcidenta Anglio [10].

estroekonomo

(tr)

Esti mastro super, agi kiel mastro de; regi, administri: nia nova grafikisto […] mirinde rapide ekmastris la novan taskon [11]; en tiuj bone strukturitaj landoj oni relative bone mastris la problemojn, ankaŭ ne mankis helpiloj kaj helpantoj [12]; iun tagon, kiam li jam bone mastris la uzadon de la maŝineto, li vizitis min por danki min pro mia helpo [13].

(tr)

Zorgi pri ĉio, kio koncernas la ekonomion de hejmo: ŝi mastrumis kaj zorgis pri la ordo en la domo [15]; li mastrumis en la princa domo, kvazaŭ en sia ^IK ; mi, tute ne sciante mastrumi, tiel malbonigis ĉiujn miajn aferojn, ke fine mia bieno pro ŝuldoj estis vendita ^FK ; mastruma progreso de la kapitalismo nenion donas al la laboristaro; vilaĝmastruma kolektivo.

mastruma sistemo (de komputilo)

Prizorgo de monaj kaj praktikaj necesaĵoj de hejmo: la salajro de mia edzo kaj la monata rento, kiun donacis al mi mia patro, plene sufiĉis por nia modesta mastrumado [16].

Mastro kaj mastrino kune.

Regado de firmao, societo ktp fare de ĉiuj ĝiaj anoj egalrajte: laboristo defendas pli ampleksan percepton de memmastrumado, eble pli modernan: „Necesas komenci demokratiigi la entreprenon“ [17]; en Jugoslavio funkciis ekonomia memmastrumado kombinita kun politika unupartieco [18].

kooperativo