kapacit/o ^PV

1.

(komune) Maksimuma kapablo ion enteni aŭ dum difinita daŭro trakti: nova vojo kondukas nun tra Hungario kaj Rumanio, sed tie la kapacito de la limkontrolejoj estas malalta [1]; (figure) se la oratoro ne volas paroli en malplenon, li nepre devas adapti sian paroladon al la intelekta kapacito de la publiko [2]; mi nombris tri aŭ kvar kunvenejojn kun kapacito inter 100 kaj 500 personoj [3]; pli ol 50 gelernantoj ne povis partopreni la kurson pro manko de spaco en la klasĉambro (deziris aliĝi pli ol duoblo de la tuta kapacito) [4]; se oni konvertus parton de la ligno […] al tia karbo, oni pligrandigus la arbaran kapaciton por konservado de karbono [5].

2.

En scienco, diversfake:

a)

Maksimuma produktokapablo je difinita tempo per ĉiuj disponeblaj rimedoj de iu entrepreno: plenkapacite laboras uzinoj kaj minejoj, sed eĉ la tuta kapacito ne sufiĉas por plenumi la mendojn [6]; aŭstra produktanto de ventelektro DonauWind havas planojn por plikreskigo de la ventelektrejaj kapacitoj [7]; ne pluvis sufiĉe, tial la generatoroj, kiuj ĉefe uzas akvofalan energion, ne povas funkcii je sia normala kapacito [8]. povo

b)

Kvanto (gasa, likva aŭ solida), kiun povas enteni ujo: kapacito de vazo; la ŝipo estus povinta kolekti en unu semajno ĉiun nafton elfluintan […] la projekto anticipas trimaranon, kies centra ŝelo havus pli grandan kapaciton [9]. enhaveco, volumeno⁴

c)

Maksimuma kvanto da datumoj, kiujn ia disponaĵo (memoro, procezilo, komunikkanalo) povas enteni aŭ trakti: [la] tekokomputilo […] proponas grandegajn kalkulpovon, konserv-kapaciton [10]; senpagaj retpaĝoj por individuoj kutime havas maksimuman kapaciton de 100 megabajtoj [11]; la komenca indeksado povas daŭri kelkajn ĝis kelkdek horojn, sed ĝi okazas, nur kiam sufiĉe da komputila kapacito estas je dispono [12].

d)

(de akumulatoro) Plej granda ŝargo, kiun ĝi povas enteni: la poŝtelefon[o…] havas akumulatoron kun kapacito sufiĉa por tuta tago [13].

e)

[14]^PV (arkaismo) Kapacitanco: la ekrano uzas kapacitan tuŝekranon [15].