⁶ingredienc/o ^PV

1.

Konsistaĵo; ĉiu aparta substanco en miksaĵo, trinkaĵo, medikamento...: premu la kikerojn per premilo en ujo ampleksa, aldonu ĉiujn aliajn ingrediencojn kaj miksu bone farante samecan paston [1]; li subkaŝe observadis […] dum la miksado de la diversaj ingrediencoj kaj eltrovis la sekretojn de la fabrikado [2]; la varmeta vento ekmovis la komplikan odormiksaĵon, kies ĉefaj ingrediencoj estis sango kaj urino [3]. receptoelemento, ero

2.

(figure) Elemento, aldonaĵo: (figure) la recepto, konsistanta el la sola vorto amu, helpas ne kontraŭ ĉiuj malsanoj, eble ni aldonu al ĝi ankoraŭ unu ingrediencon [4]; la tipaj ingrediencoj de la tiama felietona romano: amo, pasio, romantiko, aventuroj, krimoj, mistero, identkonfuzoj, ktp [5]; la rigardo de Karlo klare dokumentas, ke li volas ion, momento tute ne sufiĉas por analizi, kiaj psikologiaj ingrediencoj kaŝas sin en tiu stranga alrigardo [6]; la plej maldolĉa ingredienco en lia sortopokalo estis memriproĉoj pri nedireble blinda malsaĝo kaj malforteco de la volo [7].