¹recept/o ^JED

1.

Skriba klarigo pri preparado de manĝaĵo, trinkaĵo aŭ ia teĥnikaĵo: mi petis […] pri la recepto por tiu supo [1]; recepto pri celeria saŭco [2]; veganaj receptoj allogaj por fari kune kun infanoj [3]; la sciencistoj serĉas receptojn de eterna vivo [4]; (figure) DNA estas kemie multe pli stabila ol RNA, kaj stabileco estas tre grava por konservi la recepton de vivantaj organismoj dum milionoj da jaroj [5].

2.

Skriba formulo pri preparado kaj uzado de kuracilo: la kuracisto fleksiĝinte skribis recepton ^Marta ; (figure) recepto, konsistanta el la sola vorto amu, helpas ne kontraŭ ĉiuj malsanoj [6]; vi venigas […] tutan kuracistan konsiliĝon [por] skribi recepton por la hundo [7]; la doktoro skribaĉis recepton, kaj sendis serviston, por ke farmaciisto preparu la kuracilon [8]. preskribo

3.

(figure) Elprovita metodo, instrukcio: [ili] postulas, ke ni rebaku la tutan lingvon laŭ ilia teoria recepto [9]; recepto por plena ĥaoso [10]! li varbas klientojn laŭ kutima recepto: per ŝajnigo, grandaj vortoj [11]; estas ja universala recepto por regi homojn: necesas starigi antaŭ ili komunan kaj timigan malamikon [12]; ankaŭ la opoziciaj kristandemokratoj […] ne havas receptojn por mastri la krizon [13].