humur/o

humuro

: Nemalica ŝercemo, kun milda aŭ nenia moko, celanta precipe amuzon: Iom mankas ĉe [Henri Vallienne] tiu sento de humuro, kiu iluminas la paĝojn de Dickens aŭ Dumas [1]; la sulketaj okul-anguloj […] surhavis la stampon de konstanta ridado, kaj humuro ĉiam fajreris en la brilaj brunaj okuloj [2]; poemoj ĉefe humurtonaj [3]; popola humuro mildigas la kruelecon de tranĉa malvarmego [4]; eble hungaro havas alian humuron ol germano [5]. humoro³blago, grotesko, komedio, komikeco, mistifiko, satiro

1. Henri Vallienne: Kastelo de Prelongo, Antaŭvorto
2. Johán Valano: Ĉu li bremsis sufiĉe?, 20
3. Ivo Lapenna, Tazio Carlevaro kaj Ulrich Lins: Esperanto en Perspektivo, Dua Parto
4. Diversaj aŭtoroj: Kontakto 2011-2019, Recenzo
5. W. Klag: Groteskumi fabele (Erwin Lazar, La sepkapa feino), Monato, jaro 1999a, numero 9a, p. 24a

: Ŝerca, por komuna amuzo: „kredu min, sinjorino!“ de Cezaro Rossetti […] spegulas vervan, humuran personecon [6]; unu el tiuj humuraj vizaĝesprimoj, kiujn tiom ŝatas lia onklino [7]; ŝiaj multgamaj verkoj iras de la humura ŝerco, farso aŭ amuza unuaktaĵo, […] ĝis pli ambiciaj kaj ampleksaj versdramoj [8]; la kripla brakseĝo estas plia humura detalo en la ĝenerala gaja atmosfero [9]. amuza, sprita

Rim.: La formo humoristika aperas en malnova verko: buŝo, sur kiu ludas humoristika rideto [10].

6. Marjorie Boulton: Ne nur leteroj de plum-amikoj, prozo nefikcia
7. Johán Valano: Ĉu li venis trakosme?, 2
8. Ivo Lapenna, Tazio Carlevaro kaj Ulrich Lins: Esperanto en Perspektivo, Dua Parto
9. Johán Valano: Ĉu li venis trakosme?, 15
10. Valdemar Langlet: Vojaĝimpresoj, ĉe Aĥmed’ Paŝa’, la granda pentristo

(ntr)

: Ŝerci sen moko aŭ ofendo: ja neniam vi emas humuri kaj ŝerci, senĉese vi ion strebas [11]. spriti

11. Valdemar Vinař: La skandalo pro Jozefo, plendoj de Jozefo arestita

: Verkisto de humuraj tekstoj: de la humuristo Jerome K. Jerome aperis Tri Homoj en Boato [12]; kiel humuristo [Frederiko Karinthy] estis ege populara, sed kiel filozofo li apenaŭ gajnis adeptojn [13].

12. Ivo Lapenna, Tazio Carlevaro kaj Ulrich Lins: Esperanto en Perspektivo, Dua Parto
13. Diversaj aŭtoroj: Kontakto 2011-2019, Ĉefartikolo

(frazaĵo)

: Humuro pri malĝojigaj temoj, mizero, kruelo kaj similaj: ĝi estas speco de „nigra humuro“ kaŭzita de la nuna situacio – ĉu ĉiuj en Okcidento tion bone konscias? [14]; ĝi iom ŝokis liajn samtempulojn pro la nigra humuro: ĉu onirajtas ridi pri murdo [15]?

14. G. Cejtin: Zdravstvuj..., soc.culture.esperanto, 1996-03-21
15. A. Lagrange: La krimo de Strato Lursin', 2003-06-01