¹dram/o ^JED

1.

Teatraĵo, precipe tia, en kia alternas sentoj, ne nur amuza (komedia) aŭ serioza (tragedia): la dramoj de Ŝekspiro; Calderon kantis siajn dramojn en belritmaj versoj [1]; jen komenciĝis la prezentado, kaj tio estis tre bela dramo kun reĝo kaj reĝino [2]; nenia dramo donis eĉ iajn enspezojn, se la aŭtoro kaj aktoroj ne atakadis en ĝi siajn kontraŭulojn ^Hamlet ; kiam estis ludata ekzemple la dramo de Vilhelmo Tell, mi estis en la unua akto la soldato, kiu arestis Vilhelmon [3]. klimakso¹, peripetio, elnodiĝo¹

2.

(figure) Terura okazo: pri kio ŝi pensas? dramo el la vivo preterportiĝas antaŭ ŝia spirito [4]; aŭskultu la daŭrigon de la dramo de mia vivo ^Marta ; se vi rakontus, laŭ ĉiuj ĝiaj detaloj, la dramon tiel, kiel ĝi okazis inter vi, eble la juĝantaro vidos en tio nur akcidenton [5]. fatalo, katastrofo, tragedio²

1.

Teatra, rilata al dramo: la drama verkisto […] pere de la aktoro prezentiĝas al la publiko [6]; Shakespeare uzis en ĉiuj siaj dramaj verkoj ĉ. 15 000 vortojn [7]; el tiu historio ne nur mankis la restarigo de la drama ekvilibro, sed ankaŭ ĝi renversis mian ĝeneralan moralsenton [8].

2.

(figure) Tre emociiga: li rakontis sian draman vojaĝon [9]; li parolis per tono tiel drama, ke Matildo kaj ŝia patrino estis konvinkitaj [10]; mi jam priskribis pri lia drama eniro en la oficejon [11]; vi imagis ion draman, dum temas pri […] tute natura okazaĵo [12].

Igi drama: ĉi tiu verko dramigas tiun historian murdon [13]; li eĉ ne troe dramigus, se la registaro postulus malkonstrui la kontraŭleĝan kreaĵon [14]; oni nenion dramigu, sed trankvile alfrontu la danĝeron [15]. panikigi, troigi

Beletra verko en formo de teatraĵo, destinita ne tiom por surscenigo, kiom por legado fare de unuopaj legantoj aŭ eventuale por recitalo: „Faŭsto“ de Goeto, „Rabistoj“ de Ŝilero, „La tragedietoj“ de Puŝkino estis verkitaj kiel legodramoj.