^*buĉ/i

(tr)

1.

Mortigi dombeston por homa nutrado aŭ dia ofero: [ili] buĉis pacoferojn al la Eternulo, bovidojn [1]; ŝi rapide buĉis kokidon, elprenis ĝian koron kaj hepaton [2]; Abraham etendis sian manon kaj prenis la tranĉilon, por buĉi sian filon [3]; ni buĉis kaj rostis kapridon [4]; estis por ŝi plezuro trempi siajn blankajn manojn en la varma sango de la oferbuĉita ĉevalo [5].

2.

(figure) Neleĝe, kruele mortigi: Ke mi ne trompu mian reĝon, kiu ⫽ Por mi fariĝis kvazaŭ dua patro ⫽ La homon, kiu buĉas vian fraton! ⫽ La homon, kiu faris al mi bonon [6]; ili vin ne buĉos, tiel longe kiel mi ne estos kolera kontraŭ vi [7]! dum la ribeluloj komence faris grandajn progresojn, […] ene de kelkaj semajnoj Saddam batis ilin kaj buĉis milojn pro venĝo [8]; regas mizero, perforto, malsato, oni militas, buĉas kaj genocidas en aro da landoj: Angolo, Somalio, Eritreo, […] ^Monato ; buĉas la lupo, oni ankaŭ ĝin buĉos ^PrV ; virina lango buĉas sen sango^PrV .

1.

Ago buĉi pro viando, kiel ofero: [ili] okupis sin per la buĉado de la Paskoj [9]; estis la aŭtuna festo de buĉado de cervoj [10].

2.

Kruela mortigado: [la] glavo estas nudigita por buĉado, akrigita por ekstermado [11]; en la jaro 1240 la senbridigita popolo faris inter ili grandan sangobanon, kiun oni nomis la unua buĉado (vd pogromo) de la hebreoj [12]; mi ne volas rakonti al vi la terurajn detalojn de la bestega Bielostoka buĉado [13]; estis konstanta hombuĉado tra la tuta imperio [14]; tuta ilia historio pasis nur plena de iliaj senĉesaj interbuĉadoj [15]. genocido, masakro

1.

Loko kie oni buĉas la brutojn: oni alsendis dudek bovinojn kaj okdek kvar ŝafinojn en la buĉejon [16]; li sekvis kiel ŝafido, kiu iras al la buĉejo [17]; Slovakio havas 79 buĉejojn, sed nur 3 buĉejoj povas buĉi ĉevalojn kaj prilabori ĉevalviandon [18].

2.

(figure) Loko kie okazis kruela eksterma batalo: la soldatoj, kiuj estis en milito rifuzus ankoraŭ-foje marŝi al la buĉejo [19].

Tiu, kiu profesie buĉas brutojn, krude preparas viandon kaj aliajn bestajn produktojn: li rampis […] tra plenigita butiko de buĉisto, li trovis nur viandon kaj ĉie denove nur viandon [20]; post momento venis buĉisto, kiu veturigis junan porkon en puŝveturilo [21]; Rabĉik […] rigardis la buĉistojn kun la hakiloj, kiel ili hakas la viandon [22]. viandisto

Sendiference buĉadi multajn homojn: [ilin] afliktis la plej terura amasbuĉado – la holokaŭsto – de la tuta homa historio [23]; almenaŭ 720 homoj estas amasbuĉitaj en urbeto Kiwajna la 5an kaj la 6an de novembro 2008 [24]; vi amasbuĉadis la senpovajn militkaptitojn kaj ne armitan malamikon [25]. hekatombo, masakri