boat/o

^*boato ↝

: Malgranda akvoveturilo taŭga por kelkaj homoj: ŝi venis al granda lago, kie oni vidis nek ŝipon nek boaton [1]; la maristoj serĉis rimedon forkuri el la ŝipo kaj jam mallevis la boaton en la maron sub preteksto ke ili demetos ankrojn el la antaŭo [2] ili helpis al si reciproke tiri la boatojn pli alten sur la sablon [3]; ni plenblovis la boaton, enmetis la pakaĵon kaj remis al la proksima akvofunelo [4]. ŝipo

1. H. C. Andersen, trad. L. L. Zamenhof: Fabeloj, vol. 3, historio de unu patrino
2. La Nova Testamento, La agoj 27:30
3. H. C. Andersen, trad. L. L. Zamenhof: Fabeloj, vol. 4, historio el la dunoj
4. W. Schad: Tra la Andoj boate, Monato, 2001:12, p. 16a

: Boato kun ŝelo el gumo ordinare ŝveligebla kaj malŝveligebla: speciala formacio ... kunportis ankaŭ blovŝveligeblan gumboaton ĉi tien [5].

5. J. Rejtő, trad. L. Balázs: Sinjoro Vanek en Parizo, 2002

: Boato pelata de motoro: laŭŝajne, vi eŭropanoj estas saĝaj, tre saĝaj ...: vi inventis ĉaspafilon, motorboaton, kuir- kaj kudromaŝinojn [6].

6. Vasilij Eroŝenko: El vivo de ĉukĉoj, la trimova ŝakproblemo, 4, La fatala saĝeco

: Boato, kiun la veturantoj irigas per pedaloj: oni kune kuiras, babilas kaj sportumas ... per boatoj, kanuoj, pedalboatoj [7].

7. -: Printempa Renkontiĝo, Eventoj, 1997-08, numero 123a

: Boato kun fundo ne kurba, sed plata: aliaj remis en sia stumpnaza platfunda boato [8].

8. A. Kivi, trad. I. Ekström: Sep fratoj, 1947

: Boato por savo el akvodanĝeroj, precipe tia, kiun oni tenas sur ŝipo por okazo de pereo: elserĉu por vi la savboaton, per kiu vi povas fuĝi [9].

9. B. Traven, trad. Hans Georg Kaiser: Mortula Ŝipo, Rakonto de usona maristo, dua libro, ĉapitro 28a

: Boato pelata de veloj: La veturo en balastkila velboato estas do pli trankvila, pli agrabla [10]; Reala, granda velboato, tabulkovre konstruita, kun remiloj kaj fiŝujo kaj pentrita verde kaj blanke [11].

10. T. Ujlaky-Nagy: La sporta lingvo en Esperanto, 1972
11. T. Jansson, trad. S. Johansson: Ĉapelo de Sorĉisto, [vidita en 2009]