aŭdac/i

aŭdaci

(ntr)

1.: Riski fari ion, malgraŭ la danĝeroj aŭ malhelpoj; maltimi: la du unuaj, kiuj aŭdacis eksciti la popolon kontraŭ Cezaro, estas kaptitaj ^MkM; li aŭdacis la aventuron elŝipiĝi [1]; ĉu mi aŭdacu peti iun knabinon al dancado ^FSI? (figure) vertiĝodona centra altaĵo, kiun tempo ne aŭdacis tuŝi, kronita de preĝejo ^Sol.
2.: Riski fari ion spitante la decon aŭ kutimojn: ili estas nur servistoj, mi tute ne povis kompreni, kiel ili aŭdacis proponi al mi la fruktojn de sia mastro ^VaK; mi estis konsternita, kiel li aŭdacas tion aserti, mi ja tamen pli bone scias ^VaK; ĉiuj surpriziĝis pri lia senemocia diro tiurilate, sed neniu aŭdacis fari demandojn ^ChB; kiel diable vi aŭdacas akuzi min pri ŝtelo ^ChV? foje li aŭdacis deklari, ke la kanjono de Kolorado estas pli bela ol la valo de la Tajo en Hispanio [2]; kiu aŭdacas opinii libere pri la manifesto, la kooperativo aŭ la grafika aspekto de la revuo, tiu punende pekas [3].

1. B. Traven, trad. Hans Georg Kaiser: Mortula Ŝipo, Rakonto de usona maristo, Ĉapitro 24
2. Szathmari: La guarbo
3. Jorge Camacho: La liturgio de l' foiro

angle:: have the audacity (to)
beloruse:: адважвацца, асмельвацца
bulgare:: смея, осмелявам се
ĉine:: 冒風險 [màofēngxiǎn], 冒风险 [màofēngxiǎn]
france:: oser
germane:: 1. kühn sein, unerschrocken sein, wagemutig sein, sich trauen 2. wagen, riskieren, sich erdreisten, sich erkühnen
hebree:: להעז, לנהוג באומץ
hungare:: merészel
itale:: osare
nederlande:: wagen
pole:: mieć śmiałość, mieć czelność, ośmielać się
ruse:: решаться, решиться, осмеливаться, осмелиться, дерзать, дерзнуть 2. сметь, посметь
slovake:: odvážiť sa (osmeliť sa)
svede:: vara djärv, vara våghalsig
ukraine:: зважуватися, наважуватися, насмілюватися, книжн. дерзати

aŭdaca

: Aŭdacoplena, riskemega, maltima: aŭdaca pamfleto, revo, paradokso, koketeco, entrepreno, mieno, ŝtelisto; neniu el la knaboj estis pli aŭdaca kaj bubeca ol ŝi [4]; aŭdacaj gepatroj […] ne hezitis enkonduki [tiun lingvon] eĉ en la familian vivon ^Ret; liaj versoj per aŭdacaj ritmoŝanĝoj substrekas la disvolviĝon de lia inspiro ^EeP; sian iom hispanecan eksteraĵon […] li substrekis per agrabla, tamen iom aŭdaca vestaĵo ^KKr; stelulino, tutmonde konata pro siaj aŭdacaj dekoltaĵoj ^KrB; aŭdaca ŝtelo okazis hieraŭ nokte, unu horon post la fermo de la foiro ^KrM. kuraĝa, riskema

Rim.: Pri la sinonimoj vd rimarkon ĉe „kuraĝa“.

4. Stellan Engholm: Infanoj en Torento, dua libro en la Torento-trilogio, Dua Parto

angle:: audacious
beloruse:: адважны, сьмелы, дзёрзкі
bulgare:: смел, дързък, безочлив
france:: audacieux
germane:: dreist, wagemutig, waghalsig, kühn, draufgängerisch
hebree:: אמיץ, חוצפן
hispane:: audaz
hungare:: merész
itale:: audace
nederlande:: waaghalsig, dapper, roekeloos
pole:: zuchwały
ruse:: отважный, дерзкий, смелый
slovake:: odvážny
svede:: djärv, våghalsig
ukraine:: відважний, зухвалий, сміливий, відчайдушний

aŭdaco

1.: Ago aŭ sinteno de iu, kiu aŭdacas¹: mi descendis de la tablo kun la aŭdaco de la profetoj, kaj kunplektinte miajn brakojn sur mia brusto mi firme okulen rigardis la kirliĝantan amason de la frenezuloj ^VaK.
2.: Ago aŭ sinteno de iu, kiu aŭdacas²: mi konsterniĝis pro la aŭdaco, ke li povas senkonscience kaj cinike kalumnii nian socion ^VaK.

angle:: audacity
beloruse:: адвага
bulgare:: дързост
ĉine:: 厚脸皮 [hòuliǎnpí], 厚臉皮 [hòuliǎnpí], 气魄 [qìpò], 氣魄 [qìpò], 勇敢 [yǒnggǎn], 无耻 [wúchǐ], 無恥 [wúchǐ], 魯莽 [lǔmǎng], 鲁莽 [lǔmǎng]
france:: audace
germane:: Wagemut, Waghalsigkeit, Kühnheit, Draufgängertum
hebree:: חוּצפָּה
hispane:: audacia
hungare:: merészség
itale:: audacia
nederlande:: roekeloosheid
pole:: śmiałość, zuchwałość, czelność
ruse:: 1. отвага, смелость, дерзновение 2. дерзость, наглость
slovake:: odvaha
svede:: djärvhet, våghalsighet
ukraine:: відвага, рішучість, дерзання

malaŭdaca

: Embarasiĝema, ĝeniĝema, al kiu mankas memfido, kiu antaŭtimas malobei decon aŭ kutimon: li estis tro malaŭdaca por demandi pri tio; malaŭdaca rigardo, rideto; ĉu ĝi (MOK) rajtas enkonduki hierarkiojn en la internacian juron, kiam tiu juro mem estas ĉi-rilate tiom malaŭdaca [5]?