tradukoj: be cs de en es fr hu id nl pl pt ro ru sk sv

*17teatr/o

*teatro  

1.  
TEA Belarto pri verkado kaj aranĝado de rakontoj prezentotaj de aktoroj aŭ pupoj al spektantoj: teatramanto ofte vizitas la teatron kaj ricevas baldaŭ teatrajn manierojn [1]; ŝi ne dancas, ― ŝi ne fumas, […] ŝi ne revas pri teatro [2]; la historio de eŭropa teatro [3]; de miaj infanaj jaroj mi amas la teatron [4]; POL (figure) iuj instancoj estis ekscititaj, aliaj parolis pri somera teatro (politika farso dum someraj ferioj) [5].
2.  
TEA Teatrejo: oni kure kolektiĝis […] en la teatron [6]; li ekvivis tre gaje, iradis tre ofte en la teatron [7]; vespere okazis prezentado en fama amatora teatro, […] ĉiuj lokoj en la teatro estis okupitaj [8]; pro ŝia bela voĉo […] oni ŝin akceptis en la teatron [9]; la koncernan petskribon alportis en la teatron lia edzino [10].
3.
(figure) Spektantaro: la mallaŭdo de [kompetenta] homo devas esti por vi pli grava ol la aplaŭdado de tuta teatro da aliaj personoj Hamlet ; mi devas vesti min por la teatro Marta .
4.
Teatraĵo: ili tiel krias kontraŭ la teatroj de la popolamaso Hamlet ; la vivo tie estas delikata […]: teatroj, hundoj por vi dancas, kaj ĉio, kion vi volas [11].

*teatra

1.
TEA Rilata al la teatro, la arto aŭ la domo: teatra direktoro [12]; dancistinoj teatraj BdV ; teatra prezentado [13].
2.
(figure) Konvena al aktoro, antaŭkalkulita por fari efekton: teatraj manieroj [14]; li kun teatra gesto montris la pordon de la kabineto Marta ; tiun teatran pozon akompanis vizaĝesprimo, kiu signifis ankaŭ teatran kaj tre komike aspektantan ravitecon Marta .

teatraĵo  

TEA Teatra verko kun ties roloj, dialogoj kaj agadoj: aŭskulti teatraĵojn [15]; la teatraĵo traktis pri du geamantoj, al kiuj la sorto ne permesis ricevi sin reciproke [16]; ja nur teatraĵo, kiu devas nin amuzi [17]; tio estis mirinde bela teatraĵo kaj tute ne malgaja, sed ĝuste en la momento, kiam la reĝino sin levis […] la hundo, ne tenata […] saltis en la teatron, kaptis la reĝinon […] [18]; muzikteatraĵo [19]; kroataj teatraĵoj kaj aktoroj multe kontribuis al la esperanta teatro [20].

teatrejo  

ARKITEA Loko, ordinare konstruaĵo, en kiu oni prezentas teatraĵojn: la blindige brilaj lumtuboj de la strat'angula teatrejo [21]; plurfoje ekzistis itala teatrejo en Parizo [22]. SIN:teatro2

filmteatro, kinoteatro  

(arkaismo)
KIN Kinejo: solena remalfermo en la Merkur-filmteatro [23]; kion fari el tiu kinoteatro en rilato kun kinoarto [24].

ombroteatro  

TEA Teatro, en kiu rolulojn prezentas ombraj figuroj projekciataj sur ekranon: akademiuloj asertas, ke ombroteatro venis al Anatolio en la 16-a jarcento el Egiptio [25]; Longdong-ombroteatro tre furoris en la dinastioj Ming kaj Qing […] de la 14-a jarcento ĝis la 19-a jarcento [26].

pupteatro, pupa teatro  

TEA Teatro, en kiu rolas pupoj: la ĉina pupteatro havas historion de pli ol 2000 jaroj [27]; malgranda pupa teatro [28]; la malgranda pupteatro tuj estis starigita tiel, ke oni povis rekte enrigardi [29]; en la granda drinkĉambro de la gastejo estis tre multe da homoj, ĉar tie troviĝis pupteatristo […], li ĵus starigis sian malgrandan teatron, kaj la homoj sidis ĉirkaŭe, por rigardi la komedion [30].

varietea teatro  

TEA Teatro en kiu oni prezentas varieteon: en iama varietea teatro, konstruita en 1908, establiĝis la urba teatro en 1915 [31]; en Marto 1937, Édith komencas sian varietean karieron en la ABC en Parizo (tiuepoke, la ABC estis la plej prestiĝa varietea teatro en Parizo) [32]. VD:kabareto

tradukoj

anglaj

~o: theatre; film~o, kino~o: movie theater, cinema, movie house.

belorusaj

~o: тэатар; ~aĵo: п'еса; ~ejo: тэатар (будынак); film~o, kino~o: кінатэатар; pup~o, pupa ~o: лялечны тэатар; varietea ~o: тэатр вар'ятэ.

ĉeĥaj

~o: divadlo; ~ejo: divadlo (budova); film~o, kino~o: biograf, kino; ombro~o: stínové divadlo; pup~o, pupa ~o: loutkové divadlo; varietea ~o: varietní divadlo.

francaj

~o 1.: art dramatique; ~o: théâtre; ~a: théâtral, théâtrale; ~aĵo: pièce de théâtre; ~ejo: théâtre (bâtiment); film~o, kino~o: cinématographe; ombro~o: ombres chinoises, théâtre d'ombres; pup~o, pupa ~o: théâtre de marionnettes; varietea ~o: théâtre de variétés.

germanaj

~o: Theater; ~a 1.: Theater-; ~a 2.: theatralisch; ~aĵo : Theaterstück; ~ejo : Theater(haus); film~o, kino~o: Kino, Filmtheater; ombro~o : Schattentheater; pup~o, pupa ~o: Puppentheater; varietea ~o: Varieté(haus), Varietétheater.

hispanaj

~o 1.: arte dramático; ~o 2.: teatro; ~o 3.: público; ~o: teatro; ~aĵo: representación, pieza de teatro, obra de teatro; ~ejo: teatro; film~o, kino~o: cine; ombro~o: teatro de sombras chinescas, teatro de sombras chinas, teatro de sombras; pup~o, pupa ~o: teatro de marionetas, teatro de títeres; varietea ~o: teatro de variedades, cabaré, cabaret.

hungaraj

~o: színház; ~aĵo: színmű, színdarab; ~ejo: színház (épület); film~o, kino~o: filmszínház; pup~o, pupa ~o: bábszínház; varietea ~o: varietészínház, orfeum, zenés kabaré.

indoneziaj

~o: teater.

nederlandaj

~o: theater, toneel; ~aĵo: toneelstuk; ~ejo: schouwburg; film~o, kino~o: bioscoop; pup~o, pupa ~o: poppentheater; varietea ~o: varieté-theater.

polaj

~o 1.: teatr; ~o 2.: teatr; ~o: teatr; ~aĵo: sztuka teatralna, przedstawienie teatralne, spektakl teatralny; ~ejo: teatr; film~o, kino~o: kino; ombro~o: teatr cieni; pup~o, pupa ~o: teatr lalek, teatrzyk kukiełkowy; varietea ~o: kabaret, variete.

portugalaj

~o: teatro; varietea ~o: teatro de variedades.

rumanaj

~o 1.: teatru.

rusaj

~o: театр; ~aĵo: пьеса; ~ejo: театр (здание); film~o, kino~o: кинотеатр; pup~o, pupa ~o: кукольный театр; varietea ~o: театр варьете.

slovakaj

~o: divadlo; ~ejo: divadlo (budova); film~o, kino~o: kino; ombro~o: tieňové divadlo; pup~o, pupa ~o: bábkové divadlo; varietea ~o: varietné divadlo.

svedaj

~o: teater; pup~o, pupa ~o: dockteater.

fontoj

1. L. L. Zamenhof: Fundamento de Esperanto, Ekzercaro, § 32
2. Raymond Schwartz: La Stranga Butiko
3. Monato, Malkopiilo
4. Miguel de Cervantes Saavedra, trad. Fernando de Diego: La inĝenia hidalgo Don Quijote de la Mancha, parto 2a, ĉapitro 11a, p. 453a
5. Monato, Maul Stefan: Reform-fiasko
6. La Nova Testamento, La agoj 19:29
7. H. C. Andersen, trad. L. L. Zamenhof: Fabeloj, vol. 1, Fajrilo
8. H. C. Andersen, trad. L. L. Zamenhof: Fabeloj, vol. 1, Galoŝoj de feliĉo
9. H. C. Andersen, trad. L. L. Zamenhof: Fabeloj, vol. 3, Sub la saliko
10. Mihail Bulgakov, trad. Sergio Pokrovskij: La majstro kaj Margarita, epilogo, p. 338a
11. N. V. Gogol, trad. L. L. Zamenhof: La Revizoro, Akto dua
12. H. C. Andersen, trad. L. L. Zamenhof: Fabeloj, vol. 1, Galoŝoj de feliĉo
13. H. C. Andersen, trad. L. L. Zamenhof: Fabeloj, vol. 3, Ŝparmonujo
14. L. L. Zamenhof: Fundamento de Esperanto, Ekzercaro, § 32
15. L. L. Zamenhof: Paroloj, Parolado antaŭ la Dua Kongreso Esperantista en Genève en la 28a de aŭgusto 1906
16. H. C. Andersen, trad. L. L. Zamenhof: Fabeloj, vol. 2, Paŝtistino kaj kamentubisto
17. H. C. Andersen, trad. L. L. Zamenhof: Fabeloj, vol. 3, Bona humoro
18. H. C. Andersen, trad. L. L. Zamenhof: Fabeloj, vol. 1, Vojkamarado
19. Monato, Thomas SÜLZLE: Komenco de la teatra maratono
20. B. Kolker: Teatra antologio, Monato, 1998:3, p. 18a
21. Mihail Bulgakov, trad. Sergio Pokrovskij: La majstro kaj Margarita, ĉapitro 21a, p. 204a
22. Vikipedio, Itala teatrejo de Parizo
23. Vikipedio, Popolaltlernejo Arnstadt-Ilmenau
24. Monato, Renée Triolle: La plej malnova kinoteatro de la mondo
25. Vikipedio, Islamo
26. -: Ombroteatro, Ĉina abc, [vidita en 2013]
27. Li Qiang, Zhang Meizhi, trad. Fan Yizhu, Xu Senrong: Enciklopedieto de Ĉinio, ĉapitro „Pupteatro“, p. 232a
28. H. C. Andersen, trad. L. L. Zamenhof: Fabeloj, vol. 2, Paŝtistino kaj kamentubisto
29. H. C. Andersen, trad. L. L. Zamenhof: Fabeloj, vol. 3, Ŝparmonujo
30. H. C. Andersen, trad. L. L. Zamenhof: Fabeloj, vol. 1, Vojkamarado
31. Vikipedio, Bochum
32. Vikipedio, Édith Piaf


ℛevo | datumprotekto | teatr.xml | redakti... | traduki... | artikolversio: 1.34 2018/08/09 17:10:14