tradukoj: be cs de en es fa fr grc hu pl pt ru sk sv

*episkop/o PV

*episkopo  

KRI Ekleziulo konsekrita en la plejsupran gradon de pastrado, kion la plimulto da episkophavaj eklezioj rigardas kiel seninterrompan transmeton de apostola dono. Kutime episkopo estas religia estro (ĉefpastro) de sia episkopujo: la plej belan rozon de la mondo ni vidis antaŭ la Altaro de Dio, diris la pia maljuna episkopo [1]; mi mem foje ne komprenas la decidojn de la papo kaj de la episkopoj rilate al abortigo [2]; la eŭskaj episkopoj publikigis eklezian dokumenton [3].

episkoparo  

KRI Grupo de episkopoj samlandaj aŭ iel kunlaborantaj: bone informitaj cirkloj de la pola episkoparo [4]; okaze [...] de la 500-jariĝo la episkoparo petas [...] senkulpigon al la indiĝenoj, gvaranioj, tupioj kaj aliaj miloj da ekstermitaj triboj [5]. VD:koncilio

episkopejo

KRI Rezidejo de episkopo kaj episkopuja administrejo: en 1001 li fondis administran centron kaj episkopejon [6].

episkopujo  

KRI Eklezia distrikto estrata de episkopo: ĉu Konstantinopolo rigardis instalon de moravia episkopujo nerealigebla, ĉu pro alia konsidero, sed ankaŭ ĝi ne donis episkopon al Rastislavo [7].

episkoplando

1.  
KRI Episkopujo: gren-dekona imposto al la episkoplando de Várad [8].
2.
POL Lando kies ŝtatestro laŭofice estas episkopo de la loka episkopujo: ĝis la jaro 1803a sur la teritorio de Tirolo situis la episkoplandoj Triento kaj Brikseno; princepiskoplando aŭ princepiskopujo estas lando regata de princepiskopo, do, la teritorio kie li havas ŝtatan povon, kaj kiu ne necese koincidis kun la teritoria diocezo, sur kiu li plenumis sian religian aŭtoritaton, princepiskoplandoj ekzistis plejgrandaparte en la Sankta Romia Imperio [9].

*ĉefepiskopo [10]  

KRI Altranga episkopo: la ĉefepiskopo venis, por pasigi kun ŝi la lastan horon [11]; la ĉefepiskopo de la templo de Ptah en Memfiso [12]; li plenrajtigis la ĉefepiskopon interveni kontraŭ la reformistoj, malpermesi al ili prediki kaj konfiski ĉiujn verkojn [13]; la ĉefepiskopo esprimis la opinion, ke ankaŭ la judoj devas peti pardonon [14].

tradukoj

anglaj

~o: bishop; ~ujo: bishopric, diocese; ĉef~o : archbishop.

belorusaj

~o: біскуп; ~ujo: эпархія; ~lando 2.: біскупства (дзяржава); ĉef~o : арцыбіскуп.

ĉeĥaj

~o: biskup; ~aro: episkopát; ~ejo: bisk. palác, biskupství; ~ujo: biskupství, diecése; ~lando: biskupství, diecése.

francaj

~o: évêque; ~aro: épiscopat; ~ejo: évêché; ~ujo: évêché; ĉef~o : archevêque.

germanaj

~o: Bischof; ~ejo: Bischofssitz; ~ujo: Bistum; ĉef~o : Erzbischof.

hispanaj

~o: obispo; ~aro: episcopado; ~ejo: palacio episcopal.

hungaraj

~o: püspök; ~aro: püspöki kar; ~ejo: püspöki székhely; ~ujo: püspökség; ~lando 2.: püspökség (ország); ĉef~o : érsek.

malnovgrekaj

~o: ἐπίσκοπος; ~ujo: ἐπαρχία; ĉef~o : ἀρχιεπίσκοπος.

persaj

~o: اسقف; ~ejo: اقامتگاه اسقف; ~ujo: قلمرو اسقف; ĉef~o : اسقف اعظم.

polaj

~o: biskup; ~aro: episkopat; ~ujo: biskupstwo; ĉef~o : arcybiskup.

portugalaj

~o: bispo; ~aro: episcopado; ~ejo: palácio do bispo; ~ujo: diocese; ~lando: diocese; ĉef~o : arcebispo.

rusaj

~o: епископ; ~ejo: епископия; ~ujo: епархия; ~lando 2.: епископство (государство) ; ĉef~o : архиепископ.

slovakaj

~o: biskup; ~aro: episkopát; ~ejo: biskupský palác; ~ujo: diecéza; ~lando: diecéza.

svedaj

~o: biskop.

fontoj

1. H. C. Andersen, trad. L. L. Zamenhof: Fabeloj, vol. 3, Plej bela rozo de la mondo
2. Monato, Fieder Weigold: Abortigo
3. Hektor Alos i Font: Nur etaj esperoj pri baldaŭa solvo, Monato, jaro 2002a, numero 8a, p. 11a
4. Pejno Simono: Radio/Poloj per pelvo (radioprogramoj en Esperanto), Monato, jaro 1995a, numero 4a, p. 17a
5. Monato, http://www.esperanto.be/fel/mon/007019.html
6. Jozefo Horvath: Győr aŭ kie ekkokerikis ventokoko, Monato, jaro 2002a, numero 8a, p. 22a
7. Sergio Pokrovskij: Slavonaj skriboj, La Ondo de Esperanto, n-ro 50 (1998:12)
8. Vikipedio, Debrecen
9. Vikipedio, Princepiskoplando
10. L. L. Zamenhof: Fundamento de Esperanto, Universala Vortaro
11. H. C. Andersen, trad. L. L. Zamenhof: Fabeloj, vol. 1, Sovaĝaj cignoj
12. B. Prus, trad. Kazimierz Bein: La Faraono, vol. 1, Ĉapitro XX
13. Monato, Gerrit Berveling: Katolokismo: Johano Hus ‐ ĉu ne plu herezulo?
14. Zofia Banet-Fornalowa: Kadiŝ por Jedwabne, Monato, jaro 2002a, numero 1a, p. 18-20a


ℛevo | datumprotekto | episko.xml | redakti... | traduki... | artikolversio: 1.28 2017/04/10 06:10:12