^*ŝtop/i ^PV

(tr)

1.  ↝

Fermi truon, plenigante ĝin per ia substanco: subite rompiĝis tabulo en la ŝipo, la akvo penetris internen; oni penis ŝtopi la fendon [1]; ŝtopi al si la nazon; ŝtopi sian orelon kontraŭ kriado [2]; ŝtopi la manklokojn; en tiu tempo mi reŝtopos la breĉojn de la tabernaklo [3]; pufaj promesoj ne ŝtopas malplenon [4].

2.  ↝

(figure) Tute obstrukci: la neĝo ŝtopis la elirejon; la vojoj estis ŝtopitaj per konfuzaĵo da veturiloj; tiu deziro ŝtopis la voĉon en ŝia brusto ^Marta .

3.

(figure) Tute plenigi: plene ŝtopi al si la poŝojn [5]; ŝtopi sian stomakon.

Kiu ŝtopas, baras malfermaĵon, plenigas: ŝtopa (ne utila) epiteto; lubrikaĵo [...] servas [...] same [per] ŝtopa kaj kontraŭkoroda efiko [6].

(ntr)

Ne plu tralasi pro fermiĝo de truo, fendo, malfermaĵo: ŝtopiĝos la buŝo de tiuj, kiuj parolas malveron [7]; ŝtopiĝis lia korpo per lia elfluo [8]; ŝtopiĝis necesejo [9]; la hosetoj kaj gutigiloj povas ŝtopiĝi precipe ĉe la fertigado [10].

Fermiĝo, embarasiĝo, plenigo de antaŭe libera spaco: la akcidento kaŭzis teruran ŝtopiĝon de la trafiko; la vulkankratero inklinas al ŝtopiĝo, estiĝas premo, kiu fine kaŭzas pli aŭ malpli spektaklan eksplodon [11].

1.  ↝

Peco el korko, vitro, metalo, per kiu oni ŝtopas botelon, flakonon, k.s. aŭ la elfluilan truon de kuvo, enŝovante, surŝraŭbante aŭ surpremante: (figure) pro tio, ke Esperanto unuavice estas skriba kaj kongresa lingvo, ĝia lingvotrezoro en la kampo de la hejma sfero estas relative subevoluinta, lasante multajn truojn kaj necesigante multajn ŝtopilojn [12]; unuŝtopila barelo: la barela korpo estas fermebla ĉe unu fino per plata ŝtopilo [13]; oni blovas bekfluton ĉe la supra ekstremo kaj ĝian buŝon ŝtopas ligna ŝtopilo, konata kiel „bloko“ [14].

2.  ↝

Peco kun unu aŭ pluraj elstarantaj metalaj stiftoj, fiksita al la fino de elektra kablo kaj enmetebla en alian pecon kun truoj por la stiftoj por fari konekton kun fonto de kurento aŭ alie fermi la cirkviton: la anteno kun sia konektado de la kablo per tiel nomata F-ŝtopilo ne ŝatas malsekecon [15]; Epson HX-20 [...] havis ŝtopilon de seria buso kaj enan bendan datumportilon [16]. kontaktilo

Peco fiksita al elektra kablo, al elektra aparato aŭ al muro, kun truoj por la stiftoj de la ŝtopilo: enkursigilo [...] similas al ia obla ŝtopilingo, kiun oni trovas ofte en domoj, sed anstataŭ esti por kabloj de kurento, estas por retkabloj [17]. kontaktilo

(tr)

Forigi ŝtopaĵon, malembarasi: ĉu vi havas korktirilon por malŝtopi la botelon [18]? je la novaĵo de la atako de sia avangardo, Kellermann ordonis faldi la tendojn, preni la armilojn kaj malŝtopi la malantaŭan vojon [19].

Tute ŝtopita, plenplena: dika volumo plenŝtopita per faktoj kaj dokumentoj; bretaroj, kiuj atingis ĝis sub la plafono kaj estis plenŝtopitaj per libroj [20]; konkurenco en la plenŝtopita merkato [21].