2sintez/o PV

sintezo

1.
(komune) Kunigo de pluraj elementoj al novspeca unuo: tiu unusola frazo estas la kompakta sintezo de dekoj da demandoj [1]; en Sicilio oni parolis la grekan lingvon de tipo doria kaj la komunan koinê, kiu siavice estis […] sintezo de atikaj kaj ioniaj lingvoj Ret ; la libro […]estas kvazaŭ sintezo de pli-malpli ĉio grava aperinta pri la historio de Esperanto precipe en la [lastaj] jardekoj [2]; la unua enketo pri eksterteranoj estis simpla sintezo de tio, kion multaj homoj asertis ChV ; konservi la sintezon inter kulturo kaj kredo [3]; vidante la pasintan jarmilon plena de malakordoj, disiĝoj, militoj kaj malamikeco, ni vidas nun ĉie strebadon pri sintezo, proksimiĝado kaj unuigado [4]. ANT:analizo
2.
FIL (en dialektiko) Forigo de la konflikto inter tezo kaj kontraŭtezo: la tezoj, antitezoj kaj sintezoj estas faritaj de homoj, kiel diris Lenino, de „la utilaj idiotoj“ [5].
3.
KEMBIO Kreado de malsimpla kombinaĵo el unuopaj elementoj aŭ simplaj kombinaĵoj: sinteza rezino [6]; fotosintezo [7]; tiu enzimo utilas por la hepata sintezo de kolesterolo [8]; por la sintezo de proteinoj el aminoacidoj necesas transdono de gena informado, kodita en molekuloj de DNA kaj RNA [9].
1. Monato, Paŭl Peeraerts: Investo, 2011
2. Monato, Reinaldo Marcelo Ferreira: Historio sen vualo de mitoj, 2006
3. Monato, Armando Zecchin: Vatikana biblioteko, 2008
4. Monato, Jiří Laube: La rolo de lingvoj ĉe la pensado, 2003
5. Monato, https://www.steloj.de/esperanto/monato2/007283.html
6. Monato, Zofia Banet-Fornalowa: Li semis bonon kaj belon, 2003
7. Monato, Marco van Hulten: Interrilato de la oceano kaj klimatŝanĝiĝo, 2015
8. Monato, Roberto Pigro: Atentu la koron, 2013
9. Monato, Vladimir Lemelev: Lastaj opinioj pri la origino de vivo, 2008
angle:
 synthesis
beloruse:
 сынтэз
bulgare:
 синтез
ĉeĥe:
 skladba, slučování, spojení, syntéza
france:
 synthèse
germane:
 Synthese
hispane:
 síntesis
hungare:
 szitézis, összefoglalás
nederlande:
 synthese
ruse:
 синтез
slovake:
 spájanie, syntéza, systematické usporiadanie, zlučovanie, zovšeobecnenie
ukraine:
 синтез

sintezi

(tr)
Sinteze fari tutaĵon el diversaj elementoj: sintezi tradiciojn de la lando [10]; la EU-membroŝtatoj devos interkonsenti pri la teksto de konstitucio, kiu sintezu la regularojn kaj traktatojn de la unio [11]; la Fundamento de Esperanto [prezentas] fidindan kaj tre interesan legaĵon por personoj lingvemaj, kiuj ŝatus konatiĝi kun la reala Esperanto per ĝia sintezita priskribo [12]; oni daŭrigas diri, ke la angla estas pli rapida, pli sinteza, pli taŭga al la komunikado ol la itala, lingvo kompleksa [13]; antibiotikoj trovataj aŭ sintezataj […] povis iom efiki kontraŭ la lepra bacilo [14]. VD:kombini, komponi
10. A. Casquero: 2002 - Internacia jaro de Antoni Gaudí, Monato, 2002:6, p. 18a
11. Monato, Marko Naoki Lins: Konstitucio ĉu la civitanoj decidu?, 2004
12. Monato, Boris Kolker: Revivinta Fundamento, 2003
13. Monato, Armando Zecchini: Nova esplorrezulto: La homa cerbo preferas la italan, ne la anglan
14. Monato, Donald Broadribb: Kial la malestimo je la afrika medicino?, 2007
angle:
 synthesize
beloruse:
 сынтэзаваць
bulgare:
 синтезирам
ĉeĥe:
 slučovat, syntetizovat
france:
 synthétiser
germane:
 synthetisieren
hispane:
 sintetizar
hungare:
 szintetizál, összefoglal
nederlande:
 synthetiseren, samenvatten
ruse:
 синтезировать
slovake:
 spájať, zlučovať
ukraine:
 синтезувати

sintezilo

RokPop
MUZ Aparato, muzikinstrumento, kiu kreas sonojn per kombino kaj modifo de elektre estigitaj sonondoj: junulina seskapa kantgrupo akompanata de sintezilo kaj flutkvarteto prezentis tradiciajn kristnaskajn kantojn [15]; sintezila muziko ripete sed bone farita [16]; iom ĝena tamen estas la tro stereotipa aŭtomata akompanado helpe de modernaj teknikaĵoj, ne muzikiloj sed sonsinteziloj [17]; la eminenta profesoro Stephen Hawking […] pro grava malsano povas komunikiĝi kun aliaj homoj […] nur helpe de speciale komputila parolsintezilo [18].
15. La Ondo de Esperanto, Esperantujo festas la Zamenhofan Tagon
16. JPVDD: Ŝparu monon (Vinilkosmokompil), Monato, 1995:7, p. 27a
17. Monato, Grigori Arosev: Ĉarmaj kantoj por infanoj
18. Monato, Vladimir Lemelev: Laŭdo de moderna superhomo, 2013
angle:
 synthesizer
beloruse:
 сынтэзатар
bulgare:
 синтезатор
ĉeĥe:
 syntetizátor, syntezátor
france:
 synthé, synthétiseur
germane:
 Synthesizer, Keyboard
hispane:
 sintetizador, sintetizadora
hungare:
 szintetizátor
nederlande:
 synthesiser
ruse:
 синтезатор
slovake:
 syntetizátor
ukraine:
 синтезатор

lumsintezo

BIO(malofte) Fotosintezo: la karbonhidratoj aŭ celulozecaj aŭ aliaj energiliveraj materialoj lumsinteze produktitaj, dum paso de tempo malkombiniĝas kaj oksidiĝas [19].
19. N. R. Dhar, trad. W. P. Roelofs: Funkcioj de Organikaĵo en Nitrogentransformiĝoj en la Grundo..., Scienca Revuo, 1954, 6:22, p. 67-79
beloruse:
 фотасынтэз
ĉeĥe:
 fotosyntéza
france:
 photosynthèse
portugale:
 fotssíntese
ruse:
 фотосинтез
slovake:
 fotosyntéza

administraj notoj