¹analiz/i ^JED

(tr)

Metode kaj detale ekzameni la konsiston de io, ordinare por klarigi kaj interpreti ĝin: vi ne bezonos analizi la kafon, [ja] ĝi estas venenita per arseniko [1]; [li] analizos miajn pensojn [2]; ni analizos sisteme la sekvantajn demandojn: ĉu lingvo internacia estas bezona, ĉu ĝi estas ebla en principo, ĉu […] ĝi efektive estos enkondukita praktike [3]; ili teorie parolis pri leĝoj de bonsoneco, anstataŭ analizi, ĉu mi bone kreis la vortaron kaj ĉu oni ne povus fari ĝin ankoraŭ pli komprenebla [4]; ni analizu pli proksime la motivojn, kiuj ŝajne parolas por la propono [5]; [dum] la hejmenvojaĝo li analizis siajn sentojn [6]; Karlo aŭdis pri psikoanalitiko kaj sensukcese provas analizi sin mem [7]; mi kun pli granda intereso […] analizas lian vizaĝon ^Metrop ; la pecoj de glaso […] enhavis ankoraŭ kelkajn gutojn da dubeflava fluidaĵo, kiun oni portis al la farmacisto por ilin analizi [8]; retorikon Cicerono analizis en tri verkoj: „Pri la Oratoro“, „Brutus“ kaj „Oratoro“ [9].

1.

Rilata al analizo: „Plena analiza gramatiko de Esperanto“; analiza studo de la parolado [10]; iun homon ili pesis sur analiza pesilo ĝis la milona parto de la miligramo [11]; Analiza Historio de Esperanto-Movado [12]; plene apriora vortaro, konstruita laŭ ide-analizaj principoj [13]; poeto profunde mem-analiza [14]. analitika, analiza skolo

2.

Uzanta apartan vorton por gramatika funkcio; esprimanta fleksiojn plurvorte: la pasivo en Esperanto estas esprimata per analiza formo; analiz(em)a lingvo (kontraste al kunfandema lingvo); la angla esprimas tiun nociaron analize (tri morfemoj per tri vortoj), sed la latina sinteze (tri morfemoj per unu vorto), el tiu vidpunkto la angla estas analiza lingvo, la latina estas sinteza [15]; dativon Esperanto esprimas per analiza kazo: al + nomo; analiza verbotempo, superlativo, komparativo.

Ago analizi; ties rezulto: post la fina analizo nenio restis [16]; la duko sin venenigis per prusika acido, la ĥemia analizo lasas neniun dubon [17]; stariĝu, kaj mi faru juĝan analizon koncerne vin [18]; la Kant’a analizo de la homa rezonado, kiel ajn bona ĝi estas alie, tamen tre malhelpis al studantoj reteni sian pozitivan kredon je Dio [19]; koni kaj rekoni la faktojn – antaŭkondiĉo de kiu ajn scienca analizo aŭ konkludo [20]; iom pli profunda analizo montras, ke ne ekzistas tia krimulo, kiu ne havus almenaŭ kelkajn bonajn ecojn [21]. sintezo

Programa aŭ aparata rimedo por trovi atributojn aŭ komponantojn de datumo: leksika analizilo; sintaksa analizilo.

Homo profesie observanta kaj analizanta: li poste instaliĝis kiel privata psikoterapeŭto kaj psikanalizisto [22];

a)

Fakulo analizanta ekonomian situacion kaj ĝiajn kaŭzojn por faciligi prognozojn; ekonomia analizisto: analizisto de Ĉina Komerca Banko [23]; la jaro 2000 laŭ la plimulto de la internaciaj financaj analizistoj montros novan kreskon de la eŭrokurzo rilate al la dolaro [24].

b)

Komputisto analizanta la bezonojn de uzantoj kaj proponanta solvojn por ilia kontentigo: „nia tuta mondo sidas sur komputilo […]“ tiel plendis Angela Bennet, komputilsistema analizisto, en la minuto 78-a de la filmo […] „la reto“ [25]