Romi/o

Antikva ŝtato estiĝinta ĉirkaŭ Romo, unue kiel reĝlando, poste respubliko, poste imperio: kiam la romia imperiestro Tiberio faris iam gramatikan eraron, la gramatikisto Marcelo atentigis lin pri tio [1]; koinê […] fariĝis kun la tempo la granda komuna lingvo de la tuta Orienta Romia Imperio kaj el ĝi originas la moderna greka lingvo [2]; la literaturaj idiomoj de Grekio, Romio, Hindio, Francio, Hispanio estas prefere konsidereblaj kiel artefaritaj ol kiel naturaj formoj de la parolo [3]; la latina […], origine la lingvo de Latio, […] etendiĝis al najbaraj teritorioj, poste superregis la aliajn lingvojn de Italio, kaj fine, portata de la romiaj legioj, konkeris la plej grandan parton de la Okcidenta Mondo [4]; en la klasika Romio la tuta filozofio kaj scienco estis greklingvaj [5]; iujn sportajn movojn, similajn al la nunaj futbalaj, oni praktikis ankaŭ en antikvaj Ĉinio, Grekio kaj Romio [6].

Civitano aŭ loĝanto de Romio: la prokuratoro laŭte diris, levante sian kalikon: – por ni, por vi, Cezaro, patro de la romianoj [7]; tiu tradicio perdiĝis, kiam la romianoj detruis la jerusaleman templon antaŭ dumil jaroj [8]; la romianoj konis tri specojn da proprietaĵoj [9].