1protokol/o

protokolo Vikipedio

1.  ↝
Oficiala raporto, per kiu rajtigita aŭ kompetenta persono konstatas, kion li faris, vidis, aŭskultis: fari protokolon pri ŝtelado, arestado; legi, akcepti la protokolon de la antaŭa kunsido; protokoloj de polica enketado [1]; la Verda Partio […] postulis, ke oni korektu la parlamentan protokolon [2]; en la oficialaj protokoloj en Jerusalemo, mi ne sukcesis trovi iun ajn mencion pri krucumo de ia ajn Nazareo, Jehoŝua aŭ Jeŝua [3]; POL EKOL la celoj de la protokolo de Kioto por malpliigi la forcejan efikon pro fosilia bruligo [4]; la Komitato decidis nuligi la protokoleron de 1934 [5]. VD:akto
2.  ↝
KOMP Speco de raporto en kiu programo notas eventojn okazintajn dum ĝia rulado, ekz. dosiero pri dialoga seanco, pri tradukado de programo, pri transakcio kun datumbazo ktp
3.  ↝
KOMPRET Aro da reguloj pri formo kaj maniero de datumtransmeto en komputila reto; parto de interfaca kontrakto difinanta en kia vicordo voki ĝiajn procedurojn: la retumado en TTT estas bazita sur la protokolo „HTTP“; IP estas protokolo uzata en komputilaj retoj [6]; XMPP [estas] XML-bazita protokolo por babili rete per tujmesaĝilo [7]; la ricevanta servilo uzas eblon de la protokolo por diri al la sendanta servilo: „ĉi tiu servilo estas tro okupita; provu poste” [8].
1. Monato, Boris Kolker: Estas danĝere esti poeto
2. Monato, Naziaj kruelaĵoj
3. Monato, La aristarka raporto de Albisturo Kvinke
4. Monato, Ivo Durwael: La rikolto de la nova tempo
5. Vikipedio, Skoltismo
6. Vikipedio, Ip
7. Vikipedio, Extensible Messaging and Presence Protocol
8. Monato, Franck Arnaud: Kia solvo por rubpoŝto?
angle:
1. minutes (of a meeting) 2. log file 3. communications protocol
beloruse:
пратакол
ĉeĥe:
protokol, zápis
france:
1. protocole, procès verbal 2. fichier log, fichier de trace (log) 3. protocole (de transmission)
germane:
Protokoll 1. Mitschrift 2. Protokoll(datei), Log 3. Übertragunsprotokoll, Protokoll (Netz, Schnittstelle)
hispane:
1. acta de sesión, bitácora 2. registro, registro de eventos (log), fichero de registro (log) 3. protocolo (de transmisión)
hungare:
1. jegyzőkönyv 2. naplóállomány, log file 3. protocol
nederlande:
1. protocol, proces verbaal, notulen 2. logbestand 3. protocol
portugale:
1. protocolo (relatório), ata
ruse:
протокол
slovake:
protokol, zápisnica

protokoli

(x)
Fari protokolon pri: tio kaŭzis grandan skandalon, pri kiu oni protokolis; la 17an de aprilo 1944 oni […] senkapigis lin per gilotino, la proceduro daŭris entute sep sekundojn – tiel oni zorge protokolis [9]; Timoĥaro estis la unua astronomo, kiu protokolis sian observon de Merkuro [10].
9. Monato, Jomo Ipfelkofer: Postaj tempoj eble pli bone komprenos min
10. Vikipedio, Timoĥaro de Aleksandrio
beloruse:
пратакаляваць
ĉeĥe:
protokolovat, sepsat protokol, zapisovat, zaprotokolovat, zapsat do protokolu, zapsat do zápisu
france:
dresser un procès-verbal, verbaliser (dresser un procès-verbal)
germane:
protokollieren
hispane:
levantar un acta
hungare:
jegyzőkönyvet vesz fel
nederlande:
in een protocol vastleggen, notuleren
ruse:
протоколировать
slovake:
protokolovať, zapísať, zápisnične zachytiť

vivprotokolo Vikipedio

Konciza listo de gravaj eventoj dum sia vivo, ekz. pri edukado, oficoj kaj profesiaj atingoj prezentenda de kandidato por ofico aŭ laborloko: la novaj kandidatoj de la akademiaj elektoj devas prezenti, krom sia konsento kandidati, ankaŭ sian vivprotokolon; kariertabelo (aŭ vivprotokolo, vivresumo) estas dokumento verkata por prezenti sin al dunganto [11]; la vivprotokoloj de […] ekzilitoj [12].
11. Vikipedio, Kariertabelo
12. Monato, Renée Triolle: Kvarlingva muzeo
angle:
curriculum vitae, resume
beloruse:
рэзюмэ (працоўнае)
ĉeĥe:
úřední životopis
france:
curriculum vitae, CV
germane:
Lebenslauf, CV (Lebenslauf), Berufserfahrung (Lebenslauf)
hispane:
curriculum vitae, currículo, CV
hungare:
szakmai önéletrajz
nederlande:
curriculum vitae
portugale:
curriculum vitae, currículo
ruse:
послужной список
slovake:
úradný životopis

administraj notoj