^*profet/o

1.

Homo parolanta kaj aganta pro dia misio: Debora, profetino, edzino de Lapidot, estis en tiu tempo juĝistino de la Izraelidoj [1]; unu viro el la profetidoj diris al sia kamarado laŭ la vorto de la Eternulo: batu min [2]; Jesuo, la Nazaretano, kiu estis profeto potenca age kaj parole antaŭ Dio kaj la tuta popolo [3]; se Muhamado, la islama profeto, estus vivanta en nia epoko, ĉu ne eblus, ekzemple, ke lia koncepto pri ekonomio malhelpus la nuntempan globan krizon [4]; ĵuri per la barbo de l' profeto ^PrV . evangeliisto², misiisto

2.

(komune) Antaŭdiristo anoncanta estontaĵojn nome de iu dia inspiro: en la antaŭa tempo ĉe Izrael oni tiel diradis, kiam oni iris demandi Dion: ni iru al la antaŭvidisto, ĉar kion oni nun nomas profeto, tion oni antaŭe nomis antaŭvidisto [5]; profetoj kaj poetoj revadis pri ia tre malproksima nebula tempo, en kiu la homoj denove komencos komprenadi unu la alian [6]; oni ne bezonas esti profeto, por antaŭvidi kun plena certeco, ke pli aŭ malpli frue […] [7]; malsaĝulo ofte estas profeto ^PrV ; neniu estas profeto en sia urbeto ^PrV . aŭguristo

(tr)

1.

Paroli, agi komisie de dio, laŭ dia inspiro: Eldad kaj Medad profetas en la tendaro [8]; penetros vin la spirito de la Eternulo, kaj vi ekprofetos kune kun ili, kaj vi fariĝos alia homo [9].

2.

(komune) Antaŭdiri: li ja atingos la famon, kiun vi profetas al li [10]; Esperanto nek „disfalis en dialektojn“, kiel kelkaj lingvistoj erare profetis, nek povos disfali [11]; la kristanismo mem […] profetas, ke la glavoj ne malaperos ĝis la fino de l’ mondo [12]. aŭguri

1.

Die inspirita parolo aŭ simbola ago de profeto: kiam Asa aŭdis tiujn vortojn kaj la profetaĵon de la profeto Oded, li kuraĝiĝis [13]; neniam profetaĵo estas alportita per homa volo, sed homoj movataj de la Sankta Spirito, parolis laŭ Dio [14].

2.

(komune) Antaŭdiro: profetaĵo pri Damasko: jen Damasko ne plu estos urbo, sed ĝi estos amaso da ruinaĵoj [15]; baldaŭ pruviĝis la vero de lia profetaĵo, ke la burĝaj esperantistoj mem ektimos la talismanan valoron, kiun Esperanto posedas en la manoj de laboristoj [16]; oni fojfoje eĉ aŭdis, ke la mondo alproksimiĝas al sia fino, laŭ (miskomprenita) majaa profetaĵo [17]. aŭguro, promeso