^*predik/i ^PV

(tr)

Konigi al publiko religiajn verojn: prediku la evangelion al ĉiu kreitaĵo [1]; ili ne ĉesis instrui kaj prediki Jesuon, la Kriston [2]; mi predikas justecon en granda kunveno [3]; ili predikis al vi viziojn malverajn [4]; ili predikas militon [5]; en la preĝejo staris la pastro sur la katedro kaj predikis per laŭta kaj kolera voĉo [6]; la esperantismo […] predikas amon [7]; (figure) prediki (rekomendi) akvon kaj trinki brandon; (figure) prediki al surduloj (ne esti aŭskultata nek obeata) ^PrV .

Parolado pri religia temo: edifaj predikoj [8]; se ne ekzistas profetaj predikoj, tiam popolo fariĝas sovaĝa [9]; ili malestimis ĉiujn miajn predikojn [10]; ni havis tre pian kaj kompateman pastron, kiu faris al ili tre belan predikon [11]; prediko konsistas ĉefe el persvado [12]; eĉ kontraŭ pastra prediko troviĝas kritiko ^PrV ; (figure) fari al iu predikon pri moroj (severe riproĉi). ^PrV

(ofte malfavore) Volonte predikanta, longe, publike instruanta: la malbonan bildon de Esperanto kaŭzas ne la malgrandeco kaj malforteco de ĝia komunumo, sed ties stilo fuŝa, fanfarona, predikema [13].

Homo, ordinare kleriko, kiu ofte aŭ talente predikas: mi estas nomita predikisto kaj apostolo [14]; palaca predikisto [15]; la predikisto metis al ŝi la manon sur la kapon kaj parolis pri la sankta bapto, pri la interligo kun Dio [16]; doktoro Vincent mem estis devigita de diversaj malfeliĉaj cirkonstancoj forlasi en la aĝo de 20 jaroj la kolegion kaj fariĝi Metodista predikisto [17]. pastro

Prediko farita de Jesuo sur (laŭ Mateo) aŭ apud (laŭ Luko) monto al siaj disĉiploj kaj granda homamaso: min mem trafis, ekzemple, la paragrafoj 612–621 kvazaŭ eĥoj de l' t.n. montoprediko de Jesuo en la evangelio laŭ Mateo [18].