panel/o

panelo

1.: Modlure enkadrigita parto de vando, meblo kaj similaj: longaj vicoj da paneloj [1].
2.: Plato en kiu estas fiksitaj diversaj kontroliloj aŭ regiloj de maŝino; simila indikilaro sur ekrano de komputilo: meze de la interna panelo, bone videble tra la antaŭa fenestro de la aŭto, Guliver fiksis krime-tataran flagon sur mallonga stangeto [2]; iru al la panelo en la submezo de via ekrano kaj alklaku la bildon de via avataro [3].
3.: Grupo de spertuloj diskutantaj pri specifa temo: la iama usona prezidanto-kandidato Al Gore kaj la Interregistara Panelo pri Klimataj Ŝanĝiĝoj (IPCC) ricevis la pacpremion por la jaro 2007 [4]. komisiono, komitato
4.: Paneldiskuto: dum la panelo la esperantistoj kaj sciencistoj José Antonio Vergara, Margaret Zaleski-Zamenhof kaj Amri Wandel diskutos pri la pandemio kaj ĝia influo en nia tutmonda socio [5]; Asocio Esperantista de Rio de Janeiro en la lasta semestro de 1998 aktive disvastigis Esperanton per 44 gazetartikoloj, 7 radiaj kaj televidaj prezentoj, 4 prelegoj, 8 paneloj kaj 1 ekspozicio [6].

Rim.: Laŭ BL: (en la senco de kundiskutantoj) prefere diru spertularo, diskutgvidantoj.

1. H. A. Luyken: Pro Iŝtar, ĉapitro 11a, pluaj insidoj
2. K. Kniivilä: Krimeo estas nia, 2015
3. Tejo: IJK 2021: en la reto, 2021
4. C. Rouget: Ĉu Al Gore meritas pacpremion?, Monato, 2008:1, p. 8a
5. UEA: Panelo KOVIM-19, kiel ĝi ŝanĝis nin?, kun Margaret Zaleski-Zamenhof kaj aliaj, la 13-an de marto, 15h00 UTC, Gazetaraj Komuniko, 2021-03-06 (934)
6. Kurte, La Ondo de Esperanto, 1999:6

angle:: panel
beloruse:: панэль, пано
bulgare:: панел
ĉeĥe:: palubní deska, přístrojová deska
ĉine:: 壁板 [bìbǎn], 装上壁板 [zhuāngshàngbìbǎn], 裝上壁板 [zhuāngshàngbìbǎn], 面板 [miànbǎn], 嵌板 [qiànbǎn]
france:: 1. panneau (ameublement) 2. panneau (de contrôle etc.) 3. panel (de discussion)
germane:: 1. Paneel, Täfelung 2. Bedienfeld, Konsole 3. Gremium, Ausschuss, Beirat 4. Podium(sdiskussion)
hispane:: panel
hungare:: tábla, keretes falmező
japane:: パネル [ぱねる], 掲示板 [けいじばん], 羽目板 [はめいた], 鏡板 [かがみいた], 計器板 [けいきばん], ダッシュボード
katalune:: panell, plafó
nederlande:: paneel
pole:: panel
portugale:: almofada (de portas, janelas etc.)
rumane:: panou
ruse:: панель, панно
slovake:: palubná doska, prístrojová doska
ukraine:: панно, панель, обшивка стіни, рекламний щит, щит керування, панель, розподільна дошка

: Panelo² en kiu kunestas indikiloj, mezuriloj, alarmiloj pri funkciado de io: de mia loko estis videbla kontrolpanelo antaŭ la analizisto [7]. regpanelo

7. G. Altov, trad. J. Finkel: La tria jarmilo, [vidita en 2012]

: Panelo² en kiu kunestas la regiloj, stiriloj, butonoj de maŝino aŭ maŝinaro: startigu la Vindozan regpanelon kaj elektu regionajn kaj lingvajn agordojn [8]; vi bezonos tiun pasvorton post la instalado por ensaluti en la administra stirpanelo [9]. kontrolpanelo

8. -: Supersigne, 2008
9. -: Joomla, 2010

: Plato ekipita per sunĉeloj kaj provizanta energion: mediprotekta grupo komencis […] kampajnon por provizi la vilaĝanojn per sunpaneloj [10].

10. Lee Yoo Eun, trad. Adamo: Suda Koreio: Retuzantoj donacas..., GlobalVoices, 2013-11-05

: Diskuto de panelo³: dum la virtuala konferenco vin atendos [...] paneldiskutoj de fakuloj [11]; laŭ invito de la organizantoj, Anna Bartek, Tomasz Chmielik, Zbigniew Galor kaj Ilona Koutny partoprenis en paneldiskuto pri seksismo en Esperantio [12].

11. Sonja Zaretskaia: KAEST 2020: virtuala Konferenco pri Aplikoj de Esperanto en Scienco kaj Tekniko, La Ondo de Esperanto, 2020-09-10
12. Paneldiskuto pri seksismo dum ArKonEs 2014, HeKo 566 5-B, 4 okt 14