^*najl/o

Pinta metala bastoneto provizita per pli larĝa kapeto kaj servanta por fiksi objekton, en kiun oni enpuŝas ĝin: [li] prenis najlon de la tendo kaj metis martelon en sian manon [1]; kiel enbatitaj najloj estas la vortoj de publikaj parolistoj [2]; [li] kolorigis la turbon […] kaj enbatis en la mezon latunan najlon [3]; masiva pordo, […] ornamita de rondkapaj najloj desegnantaj arabeskojn [4]. kejlo, stifto

(tr)

Fiksi per najlo: mendu pentritan signon […] kaj najlu ĝin super via pordo [5]; [li] najlis noditajn ŝnurojn sur la sidplaton [6]; sur Golgoto mi vidis, kiel oni najlis Dion al la kruco [7]; (figure) la paralizo lin najlis sur lia lito [8]; (figure) tio, kion ŝi vidis, ŝin najlis sur la pargeto pro miro [9].

1.

Alfiksi per najlo: baldaŭ oni alnajlos super li la fermoplaton, kaj li kuŝos kviete en la malvarma tombo [10]; la forĝisto […] deŝiris de la […] ĉevalo la kvar hufoferojn kaj alnajlis kvar novajn [11];

2.

(figure) Senmovigi kvazaŭ per najlo: alnajlita al la lito per la malsano; [ŝi] estis kvazaŭ alnajlita al la loko ĉe la vido de la amasigitaj juveloj [12]. alforĝi.

Pinta ligna bastoneto similanta najlon, uzata por ŝtopi trueton, kunigi lignajn pecojn ktp: plankoj estis kudritaj kune per maldika ŝnuro […] anstataŭ uzado de la pli tradiciaj metodoj de […] lignonajloj [13]; remilingo. Aranĝaĵo por fiksi la remilon sur la boatrando, konsistanta aŭ el lignonajlo kun ŝnurringo, aŭ el forketo ^PIV1 . kejlo