misil/o

misilo

: Pafaĵo radiofonie aŭ memstire navigata al sia celo: [ili] vidis misilon alteriĝi dek paŝojn antaŭ ili kaj mortigi patron [1]; la soldatoj de NATO restis spektantoj de terura masakrado fare de la usonaj misiloj [2]; tie troviĝis subtera militbazo, en kiu staris kvar nukleaj misiloj, direktitaj al okcidenta Eŭropo [3]; oni alportis amason da komplikaj aparatoj, radio- kaj elektro-stacioj kaj aranĝis manipulcentron de misiloj [4]; ĉiu krozmisilo kostas 800 000 eŭrojn [5].
Rim.: Nestiratan, do balistike flugantan, mempelatan pafaĵon oni nomas raketo, faligatan bombo.

1. Monato, La Fino de la Mondo komenciĝas en Sarajevo, 93/10
2. Monato, S. Maul: https://www.steloj.de/esperanto/monato2/006861.html
3. Monato, last: Muzeo pri la malvarma milito, 2013
4. Monato, last: Muzeo pri la malvarma milito, 2013
5. Monato, Paul Gubbins: Taglibro de l' milito ... el la lando de Ŝekspiro (3), 2003