¹⁰Malt/o ^Fab1

1.

Ŝtato en la samnoma insulo kun ĉefurbo Valeto; teritorio de Respubliko Malto: Malto estas malgranda lando, pri kies ekzisto eŭropanoj apenaŭ konsciis, kaj scivole interesiĝis pri ĝi okaze de la alveno de la mediteranea insulo en la Eŭropan Union [1]; la listo de la impostaj paradizoj estis multe pli longa, sed Bermudoj, Kajmanaj Insuloj, Kipro, Malto, Maŭricio kaj San-Marino antaŭ nelonge deklaris […] ke ili entreprenos ĉion necesan por meti finon al la damaĝa imposta praktiko [2]. (MT)

2.

Insulo en Mediteranea Maro: li kisis nin ĉiujn kaj rakontis pri la: nemezurebla maro, pri la fortikaĵoj de Malto kaj pri la mirindaj tombolokoj de Egiptujo [3]; la menciitaj insuloj krom Malto, kiu estas facile atingebla, prezentas pli grandan defion, ĉar kelkaj situas tre malproksime de la landoj, en kiuj kredeble loĝas la plimulto de la legantoj [4]; la Sankta Seĝo, krome, diplomatie rilatas kun Eŭropa Unio kaj la Suverena Milita Ordeno de Malto [5].

Rilatanta al Malto, ĝia popolo, lingvo aŭ kulturo: malpli grandaj lingvoj kiel la malta kaj la estona oficialiĝis en Bruselo [6].

Civitano de Malto¹; loĝanto de Malto²: la plej feliĉaj homoj estas danoj, maltanoj kaj svisoj [7]; la Esperanto-movado, tamen, naskiĝis en Malto jam en la plej unuaj jaroj de la dudeka jarcento, samtempe kun la movado en Italio kaj Anglio, maltanoj fieris pri ĉi tiu tre frua ĉeesto en la internacia etoso: la unuaj grupoj en Msida kaj en La-Valeto estis fonditaj en 1903 [8].