^*krepusk/o ^PV

1.

Nehela lumo, kiun estigas sunaj radioj resendataj de la tera atmosfero post subiro de la suno aŭ antaŭ ĝia leviĝo: ili leviĝis en krepusko, por iri en la tendaron de la Sirianoj [1]; estis jam vespera krepusko, nuboj kolektiĝis [2]; falis la krepusko [3]; [ili] malgraŭ la krepusko, rimarkis la forkurantajn loĝantojn [4]; liaj okuloj alkutimiĝis al la krepusko [5]; [ŝi] rapidege malaperis en la duonkrepusko de la strato ^Marta ; kiam li vekiĝis en la posta mateno, la taglumo jam venkis la persistan vintrokrepuskon [6]. aŭroro, duonlumo

2.

(figure) Transiro al pli esperiga stato post longa stagnado aŭ malespero: post tiom da suferoj ekruĝis por la mondo la krepusko de la eterna paco [7]; tio ĝermigas ĉe ni la esperon, […] kaj ke en vivaj krepuskoj ili sendube havas ŝancon por admiri magian ĝojigan supreniron [8]. aŭroro²

1.

Karakterizata per krepusko: en la krepuska mallumo ŝi ne povis klare vidi ^Marta ; la cigno dispelis per la fortaj batoj de siaj flugiloj la krepuskan nebulon [9]; en la krepuska ĉambro ekregis silento [10].

2.

(figure) Malluma, malvigla, malgaja: Paŭlo, kontraŭe, malĝoja fraŭlo, komencis la krepuskan periodon de la vivo, periodon de bedaŭroj [11].

1.

Malhele lumi transire de tago al nokto aŭ inverse: komencis krepuski, post unu horo la suno estis leviĝonta [12]; la vespero komencis krepuski [13]; en tia humoro krepuskis la mateno [14]; neordinare frue krepuskiĝis kaj la senhomaj stratoj aspektis ankoraŭ pli malgajaj [15]; la tago krepuskiĝis kaj la krepusko densiĝis en nokton [16]; jam krepuskis kaj la prujno ekaperis sur la tegmentoj [17]. aŭrori, mateniĝi, noktiĝi

2.

Transiri de longa periodo de malespero, de stagnado al pli esperiga stato: pli kaj pli ruĝe ekkrepuskis la espero de la delonge ne gustumita, varma, kolorplena homa vivo [18]; post jardekoj da ekonomia stagnado nun malmultekosta fonto de energio krepuskas kiel la aŭroro de nova erao [19]. aŭrori², naskiĝi²

Tempo, kiam estiĝas krepusko: li […] ripozis sibarite sur sia lito ĝis la krepuskiĝo [20]; jam ĉe la krepuskiĝo neniu estas surstrate, ĉiuj enfermas sin en siaj hejmoj [21].

1.

Eliĝi el krepusko.

2.

(figure) Klariĝi, naskiĝi: grandaj ideoj elkrepuskiĝas en mia animo [22].