^*konvert/i ^PV

(tr)

1.

Alkonduki iun al pieco, aŭ ene de propra religio aŭ ŝanĝante por nova religio: konverti pekinton; konverti kristanojn al islamo; se vi volas rekonverti vin, ho Izrael, diras la Eternulo, rekonvertu vin al Mi [1]; Gentiana enamiĝis al sia edzo ekde la unua tago, eklernis la serban kaj konvertiĝis al la ortodoksa eklezio [2].

2.

(figure) Per persvado alkonduki iun al nova opinio, partio: mi estas tro maljuna por esti ankoraŭ konvertita al tiuj novaj doktrinoj; al la esperantismo konvertis vin nur tiu artikolo, dum ĉiuj aliaj ĝistiamaj propagandaj artikoloj vin ne povis konvinki [3]. varbi, propagandi, prozelito

3.

Transformi, ŝanĝi: tiel la granda minaco de klimatovarmiĝo povas esti konvertita (ŝanĝita) al realigado de malnova revo de la homaro, verdigo de dezertoj [4]; Mayauel, la virino kiu estis unue homa estaĵo, poste diigita kaj fine konvertita en la simbolon de la agavo mem [5].

a)

Ŝanĝi monkvanton de unu valuto al alia: tio helpos al ordinaraj kubanoj, al kiuj fojfoje malfacilas konverti siajn pesojn [6].

b)

Transformi signalon por adapti ĝin al alia transportmedio: d-ro „Proksimeco” do kolektis la „malproksimecajn” signalojn samtempe senditajn de la du sondiloj laŭlonge de sia vojaĝo, li poste konvertis ĉiun el ili en apartan sonan signalon [7].

c)

Transformi datumon, konservante la sencon de la prezentata informo: konverti la entjeron 1000000 en egalvaloran glitpunktan reelon 0.1e7; konverti mesaĝon el Unikodo en x-surogaton; konverti minusklajn nomojn al majuskloj; la konvertoservo de Amazon povas konverti de PDF al MOBI, sed tia konverto supozeble ne ĉiam bone funkcias [8]; la alvenantaj leteroj aŭtomate konvertiĝos kaj atingos la abonanton en la preferata varianto [9]; konverti musregatan programon al fingroregata [10].

(ntr)

1.

Aliĝi al religio aŭ opinio, fidante al ĝi kaj agante laŭ ĝi: pentu do, kaj konvertiĝu, por ke viaj pekoj estu forviŝitaj [11]; la princo Ramzes, por certigi al si la helpon de Fenicianoj, konvertiĝis al la kulto de la diino Istar [12]; dana konvertiĝinto rajtas reprezenti la asocion [13].

2.

(figure) al [Esperanto] konvertiĝis en Nurnbergo Leopold Einstein kaj la tuta klubo mondlingvista ^VivZam .

3.

Transformiĝi: la mono konvertiĝis ne nur en nutraĵojn kaj vestaĵojn, sed ankaŭ en novajn hejmojn kaj produktejojn [14].

Turniĝo al iu religio, al iu doktrino, kaj sekva ŝanĝo en sia vivmaniero: ili, aŭdinte tion, komencis interkonsili, pensante kun ĝojo pri la venko de sia instruo kaj pri la signifo, kiun por la idolana mondo havos konvertiĝo de aŭgustano [15].

Rimedo por konverti: konvertilo de x-formo al unikodo [16]; kiam por ĉiu lingvo estos servilo ([…] UNL-vortaro kaj konvertiloj […]), uzanto de Interreto preskaŭ sen rimarki tion vidos la tekstojn tradukitajn al sia lingvo [17]; elkonvertilo, alkonvertilo [18]; hidraŭlika-statika konvertilo estas hidraŭlika elemento destinita por transmisii energion de solidaj partoj en likvo-kolonon aŭ male [19].

Tiu, kiu konvertiĝis: islamo kreskas en Britio, statistikoj indikas, ke inter 2001 kaj 2010 la nombro de la konvertitoj kreskis de 60 000 ĝis 100 000 [20].