kontrast/o

kontrasto

: Malsameco de du aferoj, kiuj reciproke pli klare distingiĝas pro apudmetiĝo: li estis vigla kaj bone nutrita, grasa kaj ronda, […] en plena kontrasto kun lia profesio [kiel] koĉero de funebra veturilo [1]! la infano de la kampara domo […] fine alvenis ĉi tien, kie en la plej supra pinto de alta urba konstruaĵo staris kvar muroj malvastaj, nudaj, malvarmaj, aermankaj, solecaj, [kia] kontrasto inter la pasinteco kaj la nuneco ^Marta; voĉo […] obtuza kaj serioza […] prezentis frapantan kontraston kun la malgranda infana figuro ^Marta; kiam oni el ardanta forno saltas en glacian akvon, oni ne povas senti la kontraston tiel forte, kiel mi [2]; kontrasto inter la trankvila kvieta figuro de tiu ĉi kaj la brilanta beleco de lia pli juna filino [3]; stranga estis la kontrasto de la subita morta silento, kiu regis en la drinkejo, kontraŭ la ĵusa terura bruego [4]. diferenco, malsimileco

1. H. C. Andersen, trad. L. L. Zamenhof: Fabeloj, vol. 3, Bona humoro
2. Frederiko Schiller, trad. L. L. Zamenhof: La rabistoj, Akto Dua
3. Charles Dickens, trad. L. L. Zamenhof: La Batalo de l' Vivo, La Batalo de l' Vivo
4. Hendrik J. Bulthuis: Idoj de Orfeo, Tria Parto

angle:: contrast, difference (p. p. koloroj, formoj, stiloj, ktp.), antithesis, opposition
beloruse:: кантраст, супрацьлегласьць
ĉeĥe:: kontrast, odlišení, protiklad
ĉine:: 对比度 [duìbǐdù], 反差 [fǎnchā]
france:: contraste, opposition (contraste)
germane:: Kontrast, Gegensatz, starker Unterschied
hispane:: contraste
hungare:: kontraszt, éles ellentét, szembetűnő különbség
japane:: 対照 [たいしょう], 対比 [たいひ], コントラスト
nederlande:: contrast, tegenstelling
pole:: kontrast, przeciwieństwo, sprzeczność
portugale:: contraste, oposição
rumane:: contrast
ruse:: контраст, противоположность
slovake:: kontrast, protiklad

(x)

: Esti en kontrasto kun io; tre distingiĝi de alia afero per kontrasto: la ruĝo tiel bele kontrastis la blankan neĝon [5]; la dolĉa vizaĝo de la asketo tiel kontrastis la teruraĵojn, kiuj okazis [6]; [liaj] ore blondaj lipharoj mirinde kontrastis la bluan ĉambron [7]; la blankaj ĉemizmanikoj kontrastis kiel neĝo kontraŭ la malhelaj pantalono [8]; la iom laca koloro de lia vizaĝo, […] kontrastis kun la juneco de lia tuta figuro ^Marta; nigraj kaj senvivaj fenestroj forte sed malgaje kontrastis kontraŭ la ĉirkaŭa blanko [9]; ĉi tiu sereneco de la naturo strange kontrastis kun ŝiaj propraj sentoj [10].

5. Jakob Grimm, Wilhelm Grimm, trad. Kazimierz Bein: Elektitaj Fabeloj de Fratoj Grimm, Neĝulino
6. B. Prus, trad. Kazimierz Bein: La Faraono, vol. 2, Ĉapitro II
7. Eliza Orzeszko, trad. Kazimierz Bein: La Interrompita Kanto, Ĉaptiro III
8. Stellan Engholm: Homoj sur la tero, Feliĉa homo
9. Stellan Engholm: Infanoj en Torento, dua libro en la Torento-trilogio, Unua Parto
10. H. A. Luyken: Pro Iŝtar, Ĉapitro IX

(tr)

: Elmontri, emfazi la kontraston inter du aferoj; apudmeti por montri ilian diferencon: la verdeco de herbejoj kontrastigas la blondecon de grenkampoj [11]; la franca menso, anstataŭ inkluzivi, […] kontrastigas [12]; ni povos taksi ĝuste nur se ni kontrastigos la plej moralan kaj la plej malmoralan [13]; [li] kontrastigas tion kun la nuna situacio [14].

11. Henri Vallienne: Kastelo de Prelongo, Ĉapitro Dua
12. Claude Piron: La bona lingvo, 4. Emo Difini, Emo Elvoki
13. Platono: La Respubliko (πολιτεια), Parto Du
14. Monato, D. E. Rogers: Libera programaro: nova rimedo komerci, 2004

: Kontraŭ, kun iu forta diferenco: frapis lin, kontraste al tiu preskaŭ sklava vesto, la nobleco de ŝia mirinda, patricia vizaĝo [15]; la varmaj vortoj sonis denove tute kontraste al lia rigida voĉo [16]; kvintona […] gamo […] enhavas nur kvin tonojn, kontraste al maĵoraj kaj minoraj gamoj, kiuj enhavas po sep tonojn [17]; montri sin simplulo kontraste al kvazaŭa granda oratorkapablo de Brutus [18].

15. Henryk Sienkiewicz, trad. Lidia Zamenhof: Quo Vadis, Ĉapitro XXI
16. Sándor Szathmári: Vojaĝo al Kazohinio, Oka Ĉapitro
17. B. Wennergren: Roko kaj Popo, Popularmuzika Terminaro en Esperanto, kapvorto „kvintona“
18. Ivo Lapenna: Retoriko, Dua Parto