¹koncert/o

1.

Muzika kunveno, dum kiu oni ludas plurajn kantaĵojn aŭ instrumentajn komponaĵojn: ludi, doni koncerton; kvaropa koncerto [1]; la granda salono estis plena de homoj, […] granda koncerto devis esti donata ^Fab3 ; ni iam vizitas la teatron aŭ koncerton ^FK ; vendreda koncerto de la Filharmonio [2]; Romeskaŭ studadis kompozicion, kion li devus solludi dum granda koncerto, en kiu partoprenus aliaj famaj artistoj [3]; akridoj ludis sur buŝharmoniko kaj strigo frapadis sin sur la ventron, […] tio estis amuza koncerto [4]; (figure) eĉ la senprudentaj birdoj […] muzikas sian ĉielan koncerton [5].

Rim.: Ne konfuzu kun konĉerto.

2.

(figure) Akordo de opinioj aŭ ideoj: estis alveninta la momento plenumi la projekton koncerte elpensitan inter ŝi kaj ŝia amikino [6]; kion la katolika flanko respondos al ĉi lasta akuzo, en kiu historio, psikologio, antropologio ktp postuliĝas en koncerto kun cent aliaj sciencoj [7]? oni aŭdas nur koncerton de laŭdoj pri li; la Eŭropa koncerto havas kiel bazon la akordiĝon de Germanujo kaj Francujo; aŭdigi sian voĉon en la Eŭropa koncerto. akordo ², harmonio ², interkonsento

(ntr)

Muziki prezentante koncerton: ĉepiane Liszt […] fariĝis vaste konata stelulo, kiu koncertis en la tuta Eŭropo [8]; dum 10 horoj koncertis muzikistoj en Litovio por tiel […] adiaŭi la jaron [9]; la bando fariĝis pli konata sur la muzika scenejo de sia propra lando, kie ĝi plurfoje koncertis [10]; por la festivalo venis el Francio kaj koncertis JoMo [11].

Komponaĵo aranĝita por prezento en koncerto: li dediĉis sin al muziko kaj komponis kelkajn koncertaĵojn [12]; alportu vian violonon post la temanĝo, ni ludos malgrandan koncertaĵon [13];

Loko por koncertoj, ordinare konstruaĵo kun akustike taŭga salono aŭ amfiteatro: mi solludos antaŭ la publiko en la granda koncertejo [14]; li studadis la muzikon kaj iafoje, post laciga laboro, vizitis grandan koncertejon de la tiea filharmonio [15]; la granda halo funkcias kiel koncertejo [16]; [lia] solena koncerto plenigis la prestiĝan zagreban koncertejon Glazbeni zavod [17]. koncertkafejo

Muzika, danca aŭ poezia spektaĵo prezentita de unu homo (la solisto) aŭ de unu sola grupo: Andrea Bocelli multfoje estis en Ĉinio: en 2004 li tenis sian solkoncerton en la Granda Halo de la Popolo ... [18]; Poste okazis dum du tagoj subĉielaj koncertoj ... kaj ankaŭ solkoncertoj de pluraj elektitaj kanthoroj el en- kaj eksterlando [19].

recitalo