^*kaldron/o

1.

Granda metala vazo por kuiri, boligi ktp: el la kaldrono, en kiu sin trovas bolanta akvo, eliras vaporo [1]; tekaldrono [2]; (frazaĵo) kaldrono ridas pro poto, kaj mem estas kota ^PrV ; (frazaĵo) ne batalu pot' el tero kontraŭ kaldrono el fero (ne ataku pli fortajn ol vi) ^PrV ; „La granda kaldrono“ (romano de John Francis) [3]; (figure) Kaŭkazio estis granda kaldrono, en kiu fandiĝis popoloj de diversaj lingvoj, vivmanieroj kaj historio [4];

a)

Akvujo de vapormaŝino, kaldronego: la kaldronoj de la ŝipo kun muĝo kaj bruo ellasas vaporon ^FK ; vapormaŝina kaldrono [5];

b)

Granda metala ujo por varmigi miksaĵon de akvo, malto kaj lupolo antaŭ la fermentado al biero: bierfara kaldrono [6] [7].

2.

Ronda valo: la itinero de la unuaj surgrimpintoj de Everesto pasis […] tra okcident-kaldronvalo, tra la Lhotse-muro ĝis la suda selo kaj de tie tra la sudsupro ĝis la ĉefsupro [8]; imponaj pejzaĝeroj kiel la monto Fuĵi kaj kaldronaj lagoj estas kreitaj de vulkanoj [9].

^PV Granda ujo, kie oni vaporigas akvon, por funkciigi vapormaŝinojn.

Rim.: Tiu vortformo estas malkonvena por ne tro antikvaj aranĝaĵoj, kiuj baldaŭ perdis duonsferan formon kaj iĝis tubaĵoj (kiel en varmocentraloj). Tial la formo de la angla termino estas pli rekomendinda kaj taŭga: boligilo. [Sergio Pokrovskij]

^PIV1 Kaldronego: en la vaporkaldronejo [de la elektrostacio] oni klarigas al mi, ke dudek vagonoj da ĉiutage venanta karbo estas malŝarĝataj ĉi tie de unu homo dum du kaj duono minutoj [10].