hieraŭ

^*hieraŭ

(adverbo)

: En la ĵus antaŭa tago, unu tagon antaŭ la nuna: hieraŭ estis vendredo, kaj postmorgaŭ estos lundo [1]; hieraŭ je la sepa horo la febro lin forlasis [2]; hieraŭ vespere ili estis ankoraŭ tiel belaj, kaj nun ĉiuj floroj pendas sekiĝintaj [3]! hieraŭ nokte (lastnokte) ni pasigis tre zorgoplenajn horojn [4]. hodiaŭmorgaŭ

1. L. L. Zamenhof: Fundamento de Esperanto, Ekzercaro, § 20
2. La Nova Testamento, Johano 4:52
3. H. C. Andersen, trad. L. L. Zamenhof: Fabeloj, vol. 1, Floroj de la malgranda Ida
4. H. A. Luyken: Mirinda Amo, Ĉapitro XIV

: Okazinta hieraŭ: lia hieraŭa parolo estis tre bela [5]; la vespero pasis kiel la hieraŭa [6]; ne bedaŭru hieraŭan (pasintan tagon aŭ tempon), ne atendu morgaŭan, ne forlasu hodiaŭan ^PrV. hodiaŭa, morgaŭa

5. L. L. Zamenhof: Fundamento de Esperanto, Ekzercaro, § 40
6. H. C. Andersen, trad. L. L. Zamenhof: Fabeloj, vol. 1, Vojkamarado

: Antaŭtago, antaŭa tago vi demandas, kia estas mia opinio rilate al la hieraŭo? la simpla! ĝi devis okazi ^Metrop; la hieraŭo estis rekonstruiĝanta el malgrandaj pecetoj, sed maltrankvilo ne forlasis la direktoron [7]; kio alia estas la vivo, ol diferenco inter la hieraŭo kaj hodiaŭo, kiam oni atendas ion de la morgaŭo [8]. morgaŭo

7. Mihail Bulgakov, trad. Sergio Pokrovskij: La majstro kaj Margarita, 7
8. Sándor Szathmári: Vojaĝo al Kazohinio, Sesa Ĉapitro

: Du tagojn antaŭ la nuna: mi komencis labori antaŭhieraŭ [9]; male de la hieraŭaj kaj antaŭhieraŭaj kutimoj, la domo estis ĉie lumigata [10]; dum la antaŭhieraŭa fulmotondro tondro derompis angulaĵon de la templo [11].

9. Stellan Engholm: Infanoj en Torento, dua libro en la Torento-trilogio, Dua Parto
10. Henri Vallienne: Kastelo de Prelongo, Ĉapitro Naŭa
11. Henryk Sienkiewicz, trad. Lidia Zamenhof: Quo Vadis, Ĉapitro II