^*fab/o

^*fabo

1.: La semgrajno de pluraj kulturataj legomoj, ekz. fabo², fazeolo, sojo, kafo, kakao ks: Ŝobi alportis […] farunon kaj rostitajn grajnojn, kaj fabojn kaj lentojn […] [1]; jen estas faboj, kesto da rizo, tapioko kaj makaronoj ^FK; vi estas en la varmaj landoj, kie kreskas la faboj de kafo [2]; mi donis […] al maljuna virino kelke da kafaj faboj [3]; oni atentigis pri ĝermoj de sojo kaj aliaj faboj [4].
2.: Specio de vicio (Vicia faba var. major), kun grandaj plataj grajnoj en guŝo, kulturata kiel legomo: sur la kampoj oni semis la linon, hordeon, fabon, fazeolon, kukumojn kaj aliajn legomojn [5]; balkono kun kvar kolonoj, kiujn ĉirkaŭvolvis puncofloraj faboj kaj trikoloroj kun belaj violkoloraj kalikoj ^Marta.
Rim.: Ne konfuzu kun fazeolo.

faboplanto (Vicia faba), Oslo, Norvegujo
CC BY-SA 3.0 [6]

1. trad. L. L. Zamenhof: La Malnova Testamento, II. Samuel 17:28
2. H. C. Andersen, trad. L. L. Zamenhof: Fabeloj, vol. 2, Sambuka virineto
3. H. C. Andersen, trad. L. L. Zamenhof: Fabeloj, vol. 3, Koboldo ĉe la butikisto
4. Monato, Vladimir Lemelev: Eŭropo en la fajro de la epidemio
5. B. Prus, trad. Kazimierz Bein: La Faraono, vol. 1, Ĉapitro XXI
6. Bjoertvedt, propra verko: https://commons.wikimedia.org/wiki/File:Vicia_faba_02.jpg

~o: Mankas verkindiko en fonto.
~eto: Mankas fontindiko.
~eto: Mankas fonto, kiu estas nek vortaro nek terminaro.