deput/i

^*deputi

(tr)

: Elekti kaj sendi kiel reprezentanton en parlamenton (aŭ alian politikan instancon, ekz-e distriktan aŭ urban estraron): ili deputis du eminentulojn por iri diligente informiĝi pri la afero [1]; la dekstra demokrata koalicio akiris 70 el 140 deputitaj mandatoj [2]. delegi

1. Volter, trad. Eugen Lanti: Kandid aŭ la optimismo, Ĉapitro XVI
2. Monato, Bardhyl Selimi: Rezulto proporcia, 2009

: Politika, portempa reprezentanto de parto de la popolo: en la Nacia Asembleo de Ĉinio devas esti utiligataj interpretistoj por traduki la paroladojn de la deputitoj el diversaj provincoj [3]; dum la lasta reelekto de l’ deputitoj ni aldonis al la instrukcio: konstrui en Moskvo metropolitenon ^Metrop! malgraŭ […] granda apogo, kiun la propono ĝuis inter la deputitoj, pro la postaj ŝanĝoj en la konsisto de la Parlamento la afero ankoraŭ ne sukcesis [4]. parlamentano

3. Ivo Lapenna: Retoriko, Unua Parto
4. Ivo Lapenna, Tazio Carlevaro kaj Ulrich Lins: Esperanto en Perspektivo, Unua Parto

: Grupo aŭ tuto de deputitoj de parlamento aŭ de alia direktanta organo: la konservativuloj ŝveligis sian deputitaron je pliaj 33 parlamentanoj [5]; ano de la urba deputitaro [6]; ili sendos deputitaron post interkonsiliĝo en Heidelberg [7]; en la 33a Korea E-Kongreso la deputitaro de KEA elektis por tri jaroj sian novan prezidanton [8]. asembleo, frakcio³

5. Monato, Paul Gubbins: Ĉiu venkas, ĉiu malvenkas, 2005
6. La Ondo de Esperanto, 2004, № 1 (111)
7. H. A. Luyken: Mirinda Amo, Ĉapitro XVI
8. La Ondo de Esperanto, 2001, №10