^*reprezent/i

(tr)

1.

(iun) Laŭkomisie anstataŭi iun en la plenumado de lia tasko aŭ rajto: ambasadoro reprezentas sian regnon kaj deputito siajn deputintojn; projekto pri rajtigita reprezentado de la esperantistoj; reprezenti firmaon (vojaĝi kaj komerci en ĝia nomo); funkcii kiel reprezentanto; (figure) mi vidas […] grandan nombron da […] amikoj […], kiuj reprezentas per si preskaŭ ĉiujn landojn de la tera globo [1]; transdoni plendojn de tiuj, kiuj sentas sin nereprezentataj de la registaro [2].

2.

(ion) Esti komisiita por prezenti aferon antaŭ iu instanco kaj fari decidojn favore al ĝi: ŝovinistoj, tiuj reprezentantoj de abomeninda malamo [3]; ni ĉiuj estas reprezentantoj de la ideo de lingvo internacia, ni faru kun ĝi, kion ni volas, sed ni agu honeste [4]; kiuj estas tiuj novaj gastoj? kio estas la afero, kiun ili reprezentas [5]? (figure) por la lingvo internacia, la fundamento reprezentas tiun materialon, kiu estis por ĉiu moderna lingvo en la komenco de regula skriba literaturo ^VivZam .

3.

Esti la signo de, simboli: en Esperanto ĉiu litero reprezentas unusolan sonon; desegnu […] kvadraton kaj metu sur ĝi ses milionojn da ŝtonoj ‐ ili reprezentos la popolon [6]; akcio dependas de la kompanio kiun ĝi reprezentas [7]; oni alportis vivantajn ŝafojn kaj azenojn por reprezenti la naskiĝlokon de Kristo [8].

Rim.: En UV la vorto aperas iom naturalisme kiel derivaĵo de prezenti: re'prezent'.

Rim.: Ofte oni povas samsence uzi prezenti; kvankam la metaforoj estas malsamaj (litero reprezentas sonon kiel ambasadoro reprezentas sian reĝon; litero prezentas sonon kiel figuraĵo prezentas sian originalon, kiel grafikaĵo prezentas funkcion ktp), tamen oni atentu la regadon: „reprezenti“ similas al „anstataŭi“, „prezenti“ similas al „esprimi“; do, eblas diri mi prezentas tiun rilaton per grafeo, dum mi reprezentas ion signifas ke mi mem estas la reprezentanto. Tial en la scienca-teĥnika senco preferindas uzi „prezenti“, „prezento“. [Sergio Pokrovskij]

4.

(evitinde) Prezenti: nuntempe la jara produktovaloro de la mediprotekta industrio reprezentas nur 1 % de tiu de la tutmonda sambranĉa industrio (= prezenti⁷) [9].

re·prezent·i

Tiu, kiu reprezentas: la Danidoj sendis kvin homojn el sia tribo, el siaj reprezentantoj, virojn batalkapablajn [10]; Germanujo kaj Francujo alsendis reprezentantojn [11]; vi, sankta viro, anstataŭos min kiel reprezentanto de la ministro de la milito [12].

(tr)

Nomumi reprezentanton kaj komisii al li taskon: la reĝo sin reprezentigis per la ĉefministro.

Loko destinita por reprezenti iun aŭ ion: la fonduso planas malfermi sian reprezentejon en ukraina ĉefurbo por diversflanka kunlaboro kun la Juda Konsilio de Ukrainio [13]; la ambasadoro de la germana reprezentejo ĉe Eŭropa Unio [14]. ambasadejo

Iu, kutime lernanto klasano, kiu reprezentas lernejan klason: mi preparis prelegon Latinan [kaj] la klasreprezentanto ĝin voĉlegis [15].