^*sitel/o ^UV

1.

Rondforma ligna, plasta aŭ metala ujo havanta tenilon kaj destinita por ĉerpi, porti aŭ teni fluaĵon: plenigu kvar sitelojn per akvo, kaj oni verŝu tion sur la bruloferon [1]; ŝi apenaŭ povas treni sin mem, kaj devas tamen porti ankoraŭ la sitelon de la pumpilo [2]; unu sitelo ŝvebis apud la alia, dum la levmaŝino knaris kaj la siteloj dancadis en la aero [3]; (frazaĵo) fali de sitelo en barelon (de malbona stato en ankoraŭ pli malbonan); edzino pli elverŝas per funelo, ol edzo enverŝas per sitelo ^PrV .

2.

Enhavo de sitelo, rigardata kiel mezuro: sitelo da glacia akvo [4]; [ŝi] ordonis kapti sitelon da gugonoj [5]; li estis senŝeliginta sitelon da terpomoj [6]. batokuvo, kruĉo, tino