tradukoj: be cs de en es fi fr he hu it nl pl pt ru

^*rost/i

^*rosti

1.

Kuiri manĝaĵon elmetante ĝin al varmego sur kuirkrado, sur rostostango, en forno, en elektra aparato aŭ en kaserolo, ne uzante grason nek akvon: rosti ŝafon super la fajro; rosti terpomojn, grajnojn, panon, kafon, tabakon; ili manĝu la viandon en tiu nokto rostitan sur fajro [1]; panon kaj rostitajn grajnojn kaj freŝajn grajnojn ne manĝu ĝis tiu tago mem, en kiu vi alportos la oferon al via Dio [2]; ekstere la virinoj rostis la Paskan ŝafidon [3]; rostita ansero farĉita per prunoj kaj pomoj [4]; oni rostis tutajn bovojn [5]; baki, friti.

2.

(figure) Eligi varmegon: kiel ajn varmege ĉi tie rostas la suno, unu paŝon plue estas glacie malvarme [6]; sur la ĉielo senhalte brulis la suno, kies ĉiu radio rostis kaj blindigis [7]. ardi

rostaĵo

Rostita manĝaĵo: mi diris al la kuiristo ke la birdoj estas donaco, li do faris el ili rostaĵojn kaj pasteĉojn [8]; ni havas bonegan kapreolan rostaĵon [9]; la odoro de rostaĵo plenigis ĉiujn ĉambrojn [10].

rostpano

Peco de rostita pano: sin kviete konsoli per te-taso kaj varma rostpano [11].

panrostilo

Aparato per kiu oni rostas panon.

subrosti

Komenci kuiradon de manĝaĵo per rostado ĝis la rostaĵo ekhavas iom brunan koloron: subrosti diserigitajn cepojn.

    Ĉu tio ne estas "rosteti"? Kial "eki", eble oni volas fini post tio?
    [wd]