tradukoj: be cs de en es fr hu nl pl pt ru sk

*pres/i

*presi  

(tr)
1.  
TIP Reprodukti tekston, bildojn ktp, kutime grandkvante kaj ĝenerale per apliko de inko al papero aŭ alia taŭga surfaco: la papero […] venis al la presisto, kie ĉion, kio estis skribita sur ĝi, oni presis kaj kunligis en libron, eĉ en multajn centojn da libroj [1]; mi faros, kion mi povos, ke la historio venu en la gazeton […] kaj oni ĝin presis [2]; oni presos […] nigre sur blanke nian tutan historion [3]; dum 10 jaroj Vytautas Andziulis presis 23 religiajn kaj patriotismajn libretojn [4]; EU preskribas presi sur cigaredskatoloj averton pri mortorisko [5]; la libro estas tiel nete tipografie aranĝita kaj presita, ke estas agrable teni ĝin en la manoj [6]; tiuj ĉi arĥaismoj […] ĉiam estos presataj en ĉiuj lernolibroj [7]; presi floraĵojn sur ŝtofo. VD:stampi 1.b
2.  
KOMP=printi
Rim.: Multaj lingvoj uzas unu saman vorton por presi 1 kaj printi; tamen nemalmultaj esperantistoj sentas bezonon apartigi publikigan sencon netan (presi 1) kaj la privatan, ofte malnetan kaj unuekzempleran printadon: Kiom da presitaj (publikigitaj) artikoloj vi havas? En pli frua epoko pro simila precizemo en Esperanto apartiĝis la vorto tajpi, kvankam ankaŭ ĝin multaj lingvoj ne distingigas disde presi. [Sergio Pokrovskij]
SUP:skribi

preso

1.
TIP Presa produktado de dokumentoj: la manuskripto […] estis sendita por preso en renoma rusa revuo [8]; la (duoble) ses supersignitaj literoj de la esperanta alfabeto […] kies tajpo, preso, printo, telesendado signifas problemojn, kostojn, tempon aŭ fiaskon [9]; la bindo kaj la preso estas perfektaj, la lingvaĵo senriproĉa [10]; la libro estas teknike laŭdinda, sen preseraroj [11].
2.  
Presaĵo: gardu ĝin de la forgeso / per parolo en la preso FK .
3.  
TIP=presarto

presa

TIP Rilata al presarto, uzata en presado: neniu povas protesti, se vi skribos […] per literoj presaj anstataŭ skribaj [12]; presa nigraĵo kaj papero BdV ; ĉerpita el la vortaro franca-esperanta de la Presa Societo [13].

presaĵo  

TIP Io, ia dokumento presita: per bildoj kaj presaĵoj ili tuŝis korojn de l' virinoj, vekis la indignon de l' popolo, kreis eĉ koleron VivZam ; servanto […] donis al ĉiu el ni ekzempleron de presaĵo kun la nomo de la mortinto en nigra kadro [14]; dum du monatoj presprovaĵoj atendadis ĉe la cenzuristo VivZam ; 1 600 000 presaĵoj, 8300 inkunabloj, 75 000 manuskriptoj, 100 000 ĉizaĵoj, […] kultura trezoro akumulita en la daŭro de kvin jarcentoj konsistigas […] la privatan papan bibliotekon [15]; en Usono la situacio estas simpla: presaĵoj de antaŭ 1923 estas liberaj de aŭtorrajtoj [16].

presarto  

TIP La metio kaj la arto presi, la profesio de la presistoj: en la epoko de Dante ne ekzistis en Eŭropo la presarto [17]; ni permesu al ni peketojn en la presarto […] por povi ĝui la senkompare pli grandan lukson de senĝeno [18]; Gutenberg en 1439 estis la unua eŭropano kiu uzis la presmaŝinon kaj la moveblajn tipojn en Eŭropo, inter liaj multaj kontribuoj al presarto estas la jeno: la invento de procezo por amas-produktado de moveblaj tipoj, la uzado de ole-baza inko por presi librojn, alĝusteblaj muldujoj, mekanika movebla tipo, kaj la uzado de ligna presmaŝino simila al la agrikulturaj ŝraŭbaj premiloj de tiu periodo [19].

presejo

TIP Kompanio aŭ fabriko, kie oni presas: ĵus el la presejo BdV ; mi sendu al li ĉiun venontan kajeron tuj, kiam ĝi estos preta kaj eliros el la presejo DL ; Flandra Esperanto-Ligo disponas pri propra kompostejo kaj presejo; presejoj, kiuj ne posedas la literojn ĉ, ĝ, ĥ, ĵ, ŝ, ŭ, povas anstataŭ ili uzi ch, gh, hh, jh, sh, uF.

presigi

(tr)
TIP Post pretigo komisii al presejo la produktadon de verko: de l' bopatro li ricevis monon por presigi la broŝurojn VivZam ; ŝi skribadis nomojn kaj adresojn, enpresigis anoncetojn en ĵurnaloj VivZam ; vi povas en la nova eldono presigi „miljar’ post miljaro“ [20]; mi povus verki rekte en la germana lingvo kaj presigi la romanon ĉi tie Metrop.

presilo

1.
TIP Maŝino por presi1: TIP mia preta produkto iras rekte al la rotacipresilo [21]. MUZ KIN KOMP la apero de la kompakta disko plifaciligis ilian taskon, sufiĉas ja disponi pri komputilo kun gravurilo kaj presilo por eldoni tiom, kiom oni bezonas [22]; TEK falsaj moneroj estas amasproduktataj […] uzanta rondajn, malplenajn diskojn eltranĉitajn el latuna lameno, kaj la diskoj estas tiam stampataj per altpremaj presiloj [23].
2.  
KOMP Maŝino por presi2; printilo: principoj de funkciado de inkŝprucaj presiloj estas esplorataj ekde fino de la 19-a jarcento [24]; kion la uzanto de paĝaranĝa sistemo vidas ekrane, tion la uzanto ricevas ĉe la presilo [25]; kompare al inkŝpruca presilo, laseraj presiloj estis ĉiam tre multekostaj [26]; ĉar tiuj teknologioj estas novaj, problemoj aperas de multaj flankoj: presiloj, virusoj, spamo, ... [27].

presisto

TIP Profesiulo pri presado de dokumentoj: tio estas tre antikva nomo; li estis ja la unua dana presisto [28]! tre konata recenzisto / skribis foje en recenzon / saĝan frazon, kies sencon / fuŝkripligis la presisto [29]; ĉar tiuj ĉi literoj estas uzataj tre malofte, tial neniu presisto volos prepari por ili apartajn tipojn [30]; la presisto verŝajne volus presmaŝinon, kiu kapablas presi kvar kolorojn samtempe [31].

*represi

(tr)
TIP Prese republikigi verkon sen korektoj aŭ modifoj: havante la karakteron de fundamento, la tri verkoj represitaj en tiu ĉi libro devas antaŭ ĉio esti netuŝeblaj [32]; neniu havis la ideon ĝin represi kaj diskonigi VivZam ; li diris tion ĉi ankaŭ siatempe en la gazeto „L’Espérantiste“, kiam li represis tie diversajn partojn de tiu artikolo [33].

represo

TIP Presa republikigo de verko, eventuale en nova formato, kun neŝanĝita enhavo: epokfara traduko […] denove havebla pro ĵusa represo [34]; la intencoj de dramo, kies celo ĉiam estis, estas kaj estos: prezenti kvazaŭ spegulon de la naturo, montri al la […] responda tempo la represon de ĝia formo Hamlet ; La Nova Testamento […], eldonita de La Brita kaj alilanda Biblia Societo, jam en 1912, kun tuja represo en 1913 [35]; lia verko preskaŭ forgesita restas nun sen represoj [36].

fotorepreso  

TIP Faksimilo de dokumento farita per fotado: oni deziras altkvalitan skanaĵon, ekzemple por fari fotorepreson [37]; La Originala Verkaro [kies] diversaj dokumentoj estis kolektataj kaj ordigataj de Johannes Dietterle kaj eldonataj de Hirt & Sohn en la jaro 1929 en Lepsiko, fotorepreso apris en 1983 en Osaka ĉe Oriental-Libro [38].

tradukoj

anglaj

~i: print; ~o 1.: printing; ~a: press, print, printing; ~aĵo: printed matter, print; ~arto: printing; ~ejo: press, printing house; ~igi: print, have printed; ~ilo 1.: printing press; ~ilo 2.: printer; ~isto: printer; re~i: reprint; re~o: reprint; fotore~o: photocopy, scanned reprint. ~eraro: misprint.

belorusaj

~i: друкаваць; ~o 1.: друк; ~a: друкарскі, друкаваны; ~aĵo: друкаванае выданьне; ~arto: друкарская справа, друк, кнігадрук, паліграфія; ~ejo: друкарня.

ĉeĥaj

~i: tisknout; ~i: tisknout (noviny); ~o: tisk; ~a: tiskový; ~arto: umělecký tisk, umění tisku; ~ejo: tiskárna; ~igi: dát tisknout, nechat vytisknout; ~ilo: tiskařský lis, tiskárna (stroj); ~isto: tiskař, typograf; re~i: dotisknout, přetisknout, znovu tisknout; re~o: dotisk.

francaj

~i: imprimer; ~o: impression (d'imprimerie); ~a: imprimé (adj.), typographique; ~aĵo: imprimé (subst.); ~arto: imprimerie (technique); ~ejo: imprimerie (lieu); ~igi: faire imprimer; ~isto: imprimeur; re~i: réimprimer; re~o: réimpression; fotore~o: facsimilé photographique.

germanaj

~i 2.: ausdrucken; ~i: drucken; ~o 1.: Drucken; ~o 2.: Druck; ~o: Druck; ~aĵo : Ausdruck, Druck; ~arto: Druckkunst; ~ejo: Druckerei; ~igi : drucken lassen, in Druck geben; ~ilo: Drucker (Gerät); ~isto : Drucker (Beruf), ; re~i : neu auflegen; re~o : Neuauflage, Reprint, Neufassung, Reproduktion; fotore~o : Fotoreproduktion. ~eraro: Druckfehler; ~a nigraĵo: Druckerschwärze.

hispanaj

~i: imprimir; ~o: impreso (sustantivo); ~a: impreso (adjetivo); ~ilo 2.: impresora; re~i: reimprimir; re~o: reimpresión.

hungaraj

~i: nyomtat; ~o 1.: nyomtatás; ~o 3.: nyomdászmesterség; ~a: nyomtatott, nyomda-; ~aĵo: nyomtatvány; ~arto: nyomdászmesterség, tipográfia; ~ejo: nyomda. ~eraro: nyomdahiba.

nederlandaj

~i 1.: drukken; ~i 2.: printen, uitprinten, uitdraaien; ~o 1.: druk; ~o 3.: drukkunst; ~a: druk-; ~aĵo: drukwerk; ~arto: drukkunst; ~ejo: drukkerij; ~igi: doen drukken; ~ilo 1.: pers, drukmachine; ~ilo 2.: printer, afdrukapparaat; ~isto: drukker; re~i: herdrukken; re~o: herdruk. ~eraro: drukfout.

polaj

~i: drukować, wydrukować; re~i: przedrukować, przedrukowywać; re~o: przedruk, reprint.

portugalaj

~i: imprimir.

rusaj

~i: печатать; ~o 1.: печатание; ~a: печатный, типографский; ~aĵo: печатное издание; ~arto: печатное дело, книгопечатание, полиграфия; ~ejo: типография; ~igi: отдать в печать; ~isto: печатник; re~i: перепечатать, переиздать; re~o: перепечатка, переиздание. ~eraro: опечатка.

slovakaj

~i: tlačiť; ~o: tlač; ~a: tlačový; ~arto: tlačové umenie; ~ejo: tlačiareň; ~igi: dať tlačiť; ~ilo: tlačiareň; ~isto: tlačiar; re~i: dotlačiť, znova tlačiť; re~o: dotlač.

fontoj

1. H. C. Andersen, trad. L. L. Zamenhof: Fabeloj, vol. 3, Lino
2. H. C. Andersen, trad. L. L. Zamenhof: Fabeloj, vol. 3, Estas tute certe
3. H. C. Andersen, trad. L. L. Zamenhof: Fabeloj, vol. 3, Kolumo
4. Monato, Laimius Stražnickas: Sekretaj vortoj de kuraĝa presisto
5. MonatoS. Maul
6. Monato, Boris Kolker: Revivinta Fundamento
7. L. L. Zamenhof: Fundamento de Esperanto, antaŭparolo
8. Valdemar Langlet: Vojaĝimpresoj, ĉe Lev Tolstoj en Jasnaja Poljana
9. Monato, Yamasaki Seikô: Reago: Supersignoj, pro kiu diabla kaŭzo?
10. Monato, Paul Peeraerts: Nostalgia reveno
11. Monato, Boris Kolker: Knaba maturiĝo
12. L. L. Zamenhof: Lingvaj Respondoj, 1. Alfabeto
13. Vikipedio, Plena Vortaro
14. Hjalmar Söderberg, trad. Sten Johansson: La Kiso kaj dek tri aliaj noveloj, tombeja arabesko
15. Monato, Armando Zecchin: Vatikana biblioteko
16. Monato, Roland Rotsaert: De papero al komputilo: bitigo de presitaj dokumentoj
17. D. Broadribb: La Purgatorio vidita de dektriajarcentulo, Monato, 2002:5, p. 27a
18. Monato, Probal Dasgupta: La mankanta j ...
19. Vikipedio, Presarto
20. L. L. Zamenhof: Lingvaj Respondoj, 10. Ceteraj pronomoj
21. S. Maul: Estimataj gelegantoj, Monato, 2002:08, p. 8
22. Monato, Fidilalao Henriel: Kontraŭleĝa kopiado
23. Monato, DJ Cane: Monfalsada ekonomio
24. Vikipedio, Historio de presilo
25. Vikipedio, WYSIWYG
26. Vikipedio, Lasera presilo
27. J.-S. Brilleaud: Modernaj komunikiloj, ĉu fideblaj?, Monato, 2006:4, p. 18
28. H. C. Andersen, trad. L. L. Zamenhof: Fabeloj, vol. 1, galoŝoj de feliĉo, 2, kio okazis al la jura konsilisto
29. Raymond Schwartz: La Stranga Butiko
30. L. L. Zamenhof: Lingvaj Respondoj, 2. Transskribo
31. Monato, Paul Peeraerts: Komposta revolucio kaj presada stabileco
32. L. L. Zamenhof: Fundamento de Esperanto, Antaŭparolo
33. L. L. Zamenhof: Lingvaj Respondoj, 2. La verkaro de Zamenhof
34. Marjorie Boulton: Ne nur leteroj de plum-amikoj, tradukoj
35. Monato, Carlo Minnaja: Ankoraŭ Sanktaj Skriboj
36. Monato, Andreo Lovaniensis: Surpriza proverbaro
37. E. Grimley Evans: Bitigado de presitaj libroj, [2011]
38. Vikipedio, Originala Verkaro


ℛevo | datumprotekto | pres.xml | redakti... | traduki... | artikolversio: 1.31 2018/06/12 02:10:17