²pomp/o ^JED

Impona graviga aspekto de lukse ornamita viditaĵo: la edziĝon oni festis kun granda pompo [1]; ĝi estis nepriskribebla pompo; ĝi estis festoj, karuseloj, senĉesaj opero-burleskoj [2]; l' altara pompo de via falsa dio [3]; pompe meblitaj ĉambregoj [4]; (figure) reklamaj flugfolioj priskribis la donacojn per la plej pompe laŭdaj vortoj [5]; (figure) en la jaro 1796 la glora instruisto de surdamutaj, Sicard, kun granda pompo (troigo) antaŭanoncis oportunan pazigrafion [6]. lukso, superbo

Elmontranta imponan luksan belecon: sur la strato okazis pompa enterigira ceremonio [7]; pompa parolado pri la graveco de l' sciencoj [8]; la granda domo kun verando kaj vico de fenestroj verdire aspektis pompa [9]; vico da kortegaj oficiroj, marŝantaj kun pompa parado [10]; pompa palaco, urbo; (figure) pompa somero; (figure) pompaj arboj; (figure) pompa parolado. solena, brila², festa, grandioza, luksa, majesta, parada, puca, splenda, superba

Prezentiĝi kun pompo: mi vidis la butikan fenestron, en kiu pompis la bela kuirila elmontro [11]; nomada monumento en la tombejo pompas el nigra marmoro [12]; lia najbaro, la silkokomercisto, pompis kaj aplombis per mono [13]. fanfaroni