tradukoj: ar be bg cs de en es fr hu id it nl no pl pt ru sk sv

*plor/i

*plori  

(ntr)
Montri sian doloron larmante kaj ĝemetante: li demandis ŝin […] pro kio ŝi ploras [1]; unu floras, alia ploras PrV; plori pri siaj pekoj; plori pri la morto de infano; ŝi ĵus mortis, la maljuna homo estis tre ekscitita kaj ploris kiel infano [2]; Jakob kisis Raĥelon kaj laŭte ekploris [3]; tio estas larmoj ploritaj duonon da jarcento antaŭe [4]; ofte kantas la buŝo, kiam ploras la koro PrV; (poezie) la vento kisis la arbon, kaj la roso ploris larmojn pri ĝi [5]; (figure) la vento ploras (ĝemas, muĝas, hurlas). VD:lamenti, plendi, vei

ploro

Esprimo de doloro per larmoj, ĝemoj: de plendo kaj ploro ne foriĝas doloro PrV ; amiko en ĝojo kaj ploro PrV ; li […] petegis lin kun ploro [6]; ne sufiĉas ploro al kreditoro PrV; atentu mian ploron, ĉar mi tre senfortiĝis [7]; mi apenaŭ povis deteni min de ploro [8]; la rido ja similas al ploro [9]; plorakiri pardonon.

plorema

Ema, facile transiranta al plorado: aŭdinte la ploreman paroltonon de Ŝjangzi, li cedis [10]; mi trovis telefon-mesaĝon de nia plorema, apenaŭ kohera, forte timigita filino [11].

plorinda

Kompatinda, malfeliĉa, bedaŭrinda: vere plorindaj estas la malfeliĉoj en la mondo [12]; la faraono […] vidas la plorindan staton de Egipto [13]; hu-u-u! kaj tio estis ploreginda afero [14]; priplorinda situacio [15].

ploristino  

Virino, kiu profesie partoprenas en funebroj, kunplorante kaj lamentante: serĉu kaj voku ploristinojn, ke ili venu, sendu voki lertulinojn en tia afero, ke ili venu [16]; la dancistinoj fariĝis ploristinoj, kaj anstataŭ danci, ŝiris siajn harojn, kio ankaŭ alportis al ili profiton [17]; la ploristinoj – Ho nobla vojaĝanto, kiu direktas siajn paŝojn al la lando de la eterneco, kiel rapide oni forŝiras vin de ni [18]! en ĝi stertoras veoj, lamentas ploristinoj... [19]

priplori

(tr)
Afliktiĝi pro perdo de...: Samuel mortis, kaj ĉiuj Izraelidoj lin priploris [20]; ŝi iris kune kun siaj amikinoj kaj priploris sian virgecon [21]; li nur laŭte eldiris sian opinion, priploris sian sorton [22]; ni aliaj povas priplori la situacion, sed ĝi estas tia: la sola ekstrem-potenco povas agi tute laŭ propra bontrovo kaj kontraŭ la interesoj de l' tuta cetera mondo [23].

ĝemplori, plorĝemi  

(ntr)
Plorĝemi: ŝi ĝemploris tiel, ke eĉ ŝtono […] devis moliĝi [24]; li plorĝemis kaj ne povis fini [25].

satplori

(ntr)
Plori sufiĉe, tiom kiom oni bezonas, ĝis certa faciliĝo kaj malafliktiĝo: Elke ĵetis sin al la brusto de la edzo, satploris kaj ne plu estis sola kun sia doloro [26]; la virino satplorinte daŭrigis: […] [27]; restinte sola, Anfisa satploris kaj enlitiĝis post la unua horo nokte [28].

tradukoj

anglaj

~i: to weep, cry; ~o: cry; ~ema: given to tears, tearful, lachrymose; ~inda: woeful, lamentable; ~istino: professional mourner (female); pri~i: to bewail; ĝem~i, : to sob; sat~i: have a good cry, have one's cry out.

arabaj

~i: بَكَى -ِ بُكَاءً.

belorusaj

~i: плакаць, рыдаць; ~o: плач, рыданьне; pri~i: аплакваць; ĝem~i, : рыдаць, плакаць наўзрыд.

bulgaraj

~i: плач.

ĉeĥaj

~i: brečet; ~o: plakání, pláč; ~ema: plačtivý; pri~i: oplakávat; sat~i: do syta se vyplakat.

francaj

~i: pleurer; ~o: pleurs; ~ema: pleureur (adj.); ~inda: déplorable; ~istino: pleureuse (subst.); pri~i: pleurer (tr.); ĝem~i, : sangloter; sat~i: pleurer tout son saoul.

germanaj

~i: weinen; ~o: Weinen; ~ema : weinerlich; ~inda : bedauernswert, zu beweinen; ~istino : Klageweib; pri~i : beweinen; ĝem~i, : jammern, heulen, wimmern; sat~i : ausheulen.

hispanaj

~i: llorar; ~o: lloro, llanto; ~istino: plañidera; ĝem~i, : plañir.

hungaraj

~i: sír; ~o: sírás; pri~i: megsirat; ĝem~i, : zokog.

indoneziaj

~i: [tangis] menangis; ~o: tangis, tangisan; ~istino: cengeng.

italaj

ĝem~i, : singhiozzare, singultare.

nederlandaj

~i: huilen, wenen, schreien; ~o: geween; pri~i: bewenen.

norvegaj

~i: gråte.

polaj

~i: płakać; ~o: płacz; ~ema: płaczliwy; ~inda: opłakany; ~istino: płaczka; pri~i: opłakiwać; sat~i: wypłakiwać.

portugalaj

~i: chorar, prantear; ĝem~i, : soluçar.

rusaj

~i: плакать, рыдать; ~o: плач, рыдание; ~istino: плакальщица; pri~i: оплакивать; ĝem~i, : плакать навзрыд; sat~i: наплакаться (всласть).

slovakaj

~i: plakať, revať; ~o: plač; ~ema: plačlivý; pri~i: oplakať; sat~i: do sýta sa vyplakať.

svedaj

~i: gråta; ~o: gråt; pri~i: begråta.

fontoj

1. L. L. Zamenhof: Fundamento de Esperanto, Ekzercaro, § 21
2. H. C. Andersen, trad. L. L. Zamenhof: Fabeloj, vol. 3, Malnova tomba ŝtono
3. trad. L. L. Zamenhof: La Malnova Testamento, Genezo 29:11
4. H. C. Andersen, trad. L. L. Zamenhof: Fabeloj, vol. 3, Nokta ĉapo de fraŭlo
5. H. C. Andersen, trad. L. L. Zamenhof: Fabeloj, vol. 2, Abio
6. trad. L. L. Zamenhof: La Malnova Testamento, Hoŝea 12:4
7. trad. L. L. Zamenhof: La Malnova Testamento, Psalmaro 142:6
8. Monato, Lin Sheng: Forpasis mia karulino
9. Monato, Julia Sigmond: Cent fabeloj
10. Lao She, trad. Wang Chongfang: Kamelo Ŝjangzi, 1988
11. Monato, Paul Gubbins: Skeptikismo eŭropa kaj polica
12. Ba Jin, trad. Li Shijun: Aŭtuno en la Printempo, 1980
13. B. Prus, trad. Kazimierz Bein: La Faraono, vol. 3, Ĉapitro III
14. H. C. Andersen, trad. L. L. Zamenhof: Fabeloj, vol. 4, La vento rakontas pri Valdemaro Doe kaj pri liaj filinoj
15. Monato, Manuel Halvelik: Atentinda solvo por kompleksega problemo
16. trad. L. L. Zamenhof: La Malnova Testamento, Jeremia 9:17
17. B. Prus, trad. Kazimierz Bein: La Faraono, vol. 3, Ĉapitro V
18. B. Prus, trad. Kazimierz Bein: La Faraono, vol. 3, ĉapitro 9a
19. N. Hohlov: Eŭropo
20. trad. L. L. Zamenhof: La Malnova Testamento, I. Samuel 28:3
21. trad. L. L. Zamenhof: La Malnova Testamento, Juĝistoj 11:38
22. Monato, Franz-Georg Rössler: Ŝuisto kaj silkokomercisto
23. Monato, Stefan Maul: Mondo alia
24. H. C. Andersen, trad. L. L. Zamenhof: Fabeloj, vol. 2, paŝtistino kaj kamentubisto
25. Michael Ende, trad. Wolfram Diestel: La Senĉesa Rakonto, Sinjorino Ajuolo
26. T. Storm, trad. H. Heinmüller: La blankĉevala rajdanto, 1929
27. B. Prus, trad. Kazimierz Bein: La Faraono, vol. 1, ĉap. 12a
28. Mihail Bulgakov, trad. Sergio Pokrovskij: La majstro kaj Margarita, ĉap. 7a


ℛevo | datumprotekto | plor.xml | redakti... | traduki... | artikolversio: 1.31 2018/03/03 11:10:14