⁶koncesi/i ^JED

(tr)

Doni koncesion: Vi estas nun la sola kaj plena proprulo de la libera posedaĵo, kiun Vi ĝis nun havis en farmo kiel koncesiitan drinkejon [1]; ĉu vi koncesios al mi la solan vendrajton por Britujo [2]? li pli bone kondukos Jorike […] ol koncesiita kapitano, kiu faras nenion alian ol ĉirkaŭpromeni la tutan tagon [3]; komisiono koncesiis la kanalojn al la du lastaj, sed Kanalo Tri, kiu proponis plej grandan monsumon, proteste iniciatis juĝaferon [4]; en Heuriger oni trinkas nur la vinon de la vitisto, tiun privilegion koncesiis en 1784 la germana imperiestro Jozefo 2a [5].

Privilegio, rajto donita de oficiala instanco por ekspluati ion: ju pli klaraj fariĝos […] avantaĝoj de la berlina varianto, des pli da espero havas lia firmao ricevi koncesion por la moskva metropoliteno ^Metrop ; Ŝanhaja Esperantista Ligo eskapis persekutojn nur dank’ al tio, ke ĝia sidejo troviĝis en la angla koncesio [6]; en Anglio […] publika muziko kaj vendo de alkoholaĵoj sen koncesio ne estas permesataj [7]; revekiĝis la intereso de la eksterlandaj kompanioj por ricevi minejajn koncesiojn [8]; per specialaj impost-liberaj koncesioj, la registaro instigis neregatan konstruadon [9]. permesilofruktuzo

Natura aŭ jura persono ricevinta koncesion: koncesiuloj vendantaj novajn aŭtojn profitas el tiu situacio, kaj ĉiujare plialtiĝas ilia vendado [10]; en septembro 2010 la koncesiuloj pri purigado de Madrido minacis la urbestron pri nepago de la salajroj de siaj 12 000 laboristoj pro 289-miliona ŝuldo [11]; ĉi-sube „vi“ indikas koncesiulon de la Permesilo [12].

Rim.: Se A koncesias al B la rajton C, tiam A estas koncesianto, B estas koncesiulo, kaj C estas koncesi(at)aĵo.